اكىمدىك: نۇر-سۇلتاندا كارانتيندىك جەڭىلدىكتەر بولمايدى

1714

نۇر سۇلتاندا كارانتين رەجيمىنەن جەڭىلدىك بولمايدى. بۇل تۋرالى ەلوردا اكىمدىگىندە ايتىلدى، - دەپ حابارلايدى "ادىرنا".

«تۇرعىندار قاتاڭ سانيتارلىق نورمالاردى ساقتاۋ كەرەك. قالا بويىنشا باقىلاۋ-وتكىزۋ پۋنكتتەرى جۇمىسىن جالعاستىرۋدا. پوليتسيانىڭ بارلىق قۇرامى قالانى كۇزەتۋدە، سانيتارلىق نورمالاردى ساقتاۋعا حالىقتى حاباردار ەتۋ ءۇشىن دارىگەرلەر، ەرىكتىلەر اينالىسۋدا»، - دەلىنگەن ءباسپاسوز حابارلاماسىندا.

ەلوردا اكىمى التاي كولگىنوۆ كوروناۆيرۋستىق ينفەكتسيانىڭ تارالۋىنا قارسى تۇرۋ جونىندە كەڭەس وتكىزدى.

«كارانتين رەجيمىنىڭ قالپىنا كەلۋىنە بايلانىستى قازىر كوشەدە ادامدار كوپ. كۇندەلىكتى رەيدتەر بارىسىندا بايقاعانىمىز  حالىق بارلىق سانيتارلىق نورمالاردى ۇستانبايدى: سانيتارلىق-ەپيدەميولوگيالىق تالاپتاردى بۇزعانى ءۇشىن 26 وبەكتى جاپتىق، 150 قۇرىلىس كومپانيالارى، كافەلەر، مەيرامحانالار، قوناق ۇيلەر جانە ت.ب ەسكەرتۋ جاساپ، جارتىسىنا ايىپپۇل سالىندى».

«رەيدتەر كەزىندە ادامدار ساياباقتارعا، الاڭدارعا كوپتەپ جينالىپ، بەتپەردەسىز جۇرەتىنى بايقالدى. مۇنىڭ ءبارى ۆيرۋستىڭ اسقىنعان تۇردە تارالۋىنا اكەلۋى مۇمكىن. دارىگەرلەرگە ينفەكتسيا كوزدەرىن دەر كەزىندە انىقتاۋ قيىنعا سوعادى».

«وسىعان بايلانىستى پوليتسيا قىزمەتكەرلەرى قارقىندى رەجيمدە جۇمىس ىستەۋدى جالعاستىرادى، تۇرعىندارمەن ءتۇسىندىرۋ جۇمىستارىن كۇشەيتەدى، كۇندەلىكتى قىزمەتتەرى رۇقسات ەتىلگەن كومپانيالاردىڭ جۇمىسىن باقىلايدى. نىساندار سانيتارلىق نورمالاردى بۇزعان جاعدايدا جابىلادى. ينفەكتسيا قاۋپى ساقتالىپ وتىر، قازىر دەمالاتىن ۋاقىت ەمەس» - دەپ اتاپ ءوتتى ەلوردا اكىمى التاي كولگىنوۆ.

ونىڭ ايتۋىنشا، «ەڭ الدىمەن ءسىز ءوز دەنساۋلىعىڭىزعا جاۋاپتى قاراساڭىز، جاقىندارىڭىزدىڭ دەنساۋلىعىنا دا جاۋاپتى بولاسىز».

«وكىنىشكە وراي، ناۋقاستاردىڭ 40 پايىزى 18-30 جاس ارالىعىنداعى جاستار، 36 پايىزى 30-50 جاس ارالىعىنداعى ادامدار. سىزگە كوروناۆيرۋستى قالىپتى تۇماۋ رەتىندە قابىلداپ، ەمدەلۋدىڭ قاجەتى جوق. بۇل اۋرۋ بىرنەشە كۇننىڭ ىشىندە  ءتىپتى ەشقاشان اۋىرماعان ادامنىڭ دا دەنساۋلىعىن بۇزۋى مۇمكىن.  تەك وقشاۋلانۋ جانە قاتاڭ سانيتارلىق نورمالار عانا ءسىزدىڭ بۇرىنعى ءومىر ءسۇرۋ قالپىڭىزعا ورالۋ ءۇشىن سەنىمدى جانە جىلدام ءادىس»، - دەپ تولىقتىردى كولگىنوۆ.

پىكىرلەر
رەداكتسيا تاڭداۋى