فيلولوگيا عىلىمدارىنىڭ دوكتورى، پروفەسسور، اۋدارماشى، اقىن دۇكەن ءماسىمحانۇلى شىعىستانۋ ينستيتۋتىنىڭ ديرەكتورى قىزمەتىنە تاعايىندالدى. ول تاۋەلسىزدىكتىڭ العاشقى جىلدارى قىتايتانۋ عىلىمىنىڭ نەگىزىن سالعان عالىمداردىڭ ءبىرى جانە قىتايمەن اراداعى ساياسي-الەۋمەتتىك بايلانىستارعا قاتىستى بار بىرنەشە ماسەلەلەر كوتەرىپ، ۇسىنىستارى قولداۋ تاپقان.
دۇكەن ءماسىمحانۇلى قىتاي حالىق رەسپۋبليكاسىنىڭ شىڭجان ولكەسىنە قاراستى تەكەس اۋدانىنىڭ شيلوزەك اۋىلىندا تۋعان. 1987 جىلى بەيجىڭدەگى ورتالىق ۇلتتار ۋنيۆەرسيتەتىن اۋدارماشى-فيلولوگ ماماندىعى بويىنشا تامامداعان. 1993 جىلى ءال-فارابي اتىنداعى قازۇۋ-دىڭ ارنايى شاقىرۋىمەن اتامەكەنگە قونىس اۋداردى. كەيىنگى كەزەڭدە ەۋرازيا ۇلتتىق ۋنيۆەرسيتەتىندە جەمىستى ەڭبەك ەتتى. 2013 جىلى قازاقستاننىڭ ەڭبەك سىڭىرگەن قايراتكەرى اتاعىن الدى.
ايتا كەتەيىك، بۇعان دەيىن ەلىمىزدەگى ەڭ ىرگەلى ينستيتۋتتى اسا ءىرى عالىم，فارابيتانۋشى، قازاقستاننىڭ باس ءمۇفتيى قىزمەتىن اتقارعان ءابساتتار قاجى دەربىسالى باسقارعان.
"ادىرنا" ۇلتتىق پورتالى
