ەل ىشىندە پيراميدا اتالىپ كەتكەن «بەيبىتشىلىك جانە كەلىسىم سارايىنىڭ» مكقك ديرەكتورى جانە ونىڭ ورىنباسارى، بولىم باسشىسى اسا ءىرى كولەمدە اقشا جىمقىرعاندارى ءۇشىن ءىستى بولدى، دەپ حابارلايدى ادىرنا ۇلتتىق پورتالى قر قم قارجى مونيتورينگى كوميتەتىنىڭ ءباسپاسوز قىزمەتىنە سىلتەمە جاساي وتىرىپ.
«جەدەل-تەرگەۋ ءىس-شارالارى ناتيجەسىندە قر قم قارجى مونيتورينگى كوميتەتىنىڭ نۇر-سۇلتان قالاسى بويىنشا ەكونوميكالىق تەرگەۋ دەپارتامەنتى نۇر-سۇلتان قالاسى اكىمدىگىنىڭ «بەيبىتشىلىك جانە كەلىسىم سارايى» مەملەكەتتىك كوممۋنالدى قازىنالىق كاسىپورىنىندا (مكقك) قىزمەت اتقاراتىن لاۋازىمدى تۇلعالاردىڭ قىلمىستىق ارەكەتىن انىقتادى.
اتالعان لاۋازىمدى تۇلعالار 2017 جىلدىڭ قازان مەن جەلتوقسان ايلارى ارالىعىندا تاۋارلاردى كوتەرىڭكى باعامەن زاڭسىز مەملەكەتتىك ساتىپ الۋ ارقىلى مەملەكەتكە مكقك اتىنان اسا ءىرى كولەمدە زالال كەلتىرگەن»، - دەلىنگەن ءباسپاسوز قىزمەتىنىڭ حابارلاماسىندا.
وسىلايشا، تەرگەۋ بارىسىندا مكقك لاۋازىمدى تۇلعالارىنا ۇلەستەس مەملەكەتتىك ساتىپ الۋعا قاتىستى جاساندى تۇلعاعا راسىمدەلگەن «Astana art creative group» جشس انىقتالدى.
تەرگەۋ ورگاندارىنىڭ سوتقا دەيىنگى تەرگەۋ ناتيجەلەرى بويىنشا مكقك باس ديرەكتورى مەن ونىڭ ورىنباسارى جانە ءبولىم جەتەكشىسىنىڭ ارەكەتتەرى قر قك 189 بابىنىڭ 3 ب.، 2 ت. مەن 4 ب.، 2 ت. بويىنشا سارالاندى.
اتالعان قىلمىس ءۇشىن قر قك 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعاندىعىن اتاپ ءوتۋ كەرەك.
2020 جىلدىڭ 30 ناۋرىزىندا. نۇر-سۇلتان قالاسى ەسىل اۋدانىنىڭ №2 سوتى ۇكىمىمەن مكقك باس ديرەكتورى 8 جىلعا باس بوستاندىعىنان، ونىڭ ورىنباسارى (ونىڭ ارەكەتتەرى قر قك 361 بابىنىڭ 4 ب.، 1 ت. سارالاندى) 3,6 جىلعا باس بوستاندىعىنان، ءبولىم جەتەكشىسى 7 جىلعا باس بوستاندىعىنان ايىرىلدى.
2020 جىلدىڭ 15 ماۋسىمىندا نۇر-سۇلتان قالاسىنىڭ اپەللياتسيالىق سوتى ينستانتسياسىمەن ايىپتالۋشىلارعا قاتىستى ۇكىم وزگەرىسسىز قالدىرىلدى.
سوت ۇكىمى زاڭدى كۇشىنە ەندى.
