El ışınde Piramida atalyp ketken «Beibıtşılık jäne Kelısım Saraiynyŋ» MKQK direktory jäne onyŋ orynbasary, bölım basşysy asa ırı kölemde aqşa jymqyrǧandary üşın ıstı boldy, dep habarlaidy Adyrna ūlttyq portaly QR QM Qarjy monitoringı komitetınıŋ baspasöz qyzmetıne sılteme jasai otyryp.
«Jedel-tergeu ıs-şaralary nätijesınde QR QM Qarjy monitoringı komitetınıŋ Nūr-Sūltan qalasy boiynşa Ekonomikalyq tergeu departamentı Nūr-Sūltan qalasy äkımdıgınıŋ «Beibıtşılık jäne Kelısım Saraiy» Memlekettık kommunaldy qazynalyq käsıporynynda (MKQK) qyzmet atqaratyn lauazymdy tūlǧalardyŋ qylmystyq äreketın anyqtady.
Atalǧan lauazymdy tūlǧalar 2017 jyldyŋ qazan men jeltoqsan ailary aralyǧynda tauarlardy köterıŋkı baǧamen zaŋsyz memlekettık satyp alu arqyly memleketke MKQK atynan asa ırı kölemde zalal keltırgen», - delıngen baspasöz qyzmetınıŋ habarlamasynda.
Osylaişa, tergeu barysynda MKQK lauazymdy tūlǧalaryna ülestes memlekettık satyp aluǧa qatysty jasandy tūlǧaǧa räsımdelgen «Astana art creative group» JŞS anyqtaldy.
Tergeu organdarynyŋ sotqa deiıngı tergeu nätijelerı boiynşa MKQK bas direktory men onyŋ orynbasary jäne bölım jetekşısınıŋ äreketterı QR QK 189 babynyŋ 3 b., 2 t. men 4 b., 2 t. boiynşa saralandy.
Atalǧan qylmys üşın QR QK 7 jyldan 12 jylǧa deiıngı merzımge bas bostandyǧynan aiyru türındegı jaza qarastyrylǧandyǧyn atap ötu kerek.
2020 jyldyŋ 30 nauryzynda. Nūr-Sūltan qalasy Esıl audanynyŋ №2 soty ükımımen MKQK bas direktory 8 jylǧa bas bostandyǧynan, onyŋ orynbasary (onyŋ äreketterı QR QK 361 babynyŋ 4 b., 1 t. saralandy) 3,6 jylǧa bas bostandyǧynan, bölım jetekşısı 7 jylǧa bas bostandyǧynan aiyryldy.
2020 jyldyŋ 15 mausymynda Nūr-Sūltan qalasynyŋ apelliasiialyq soty instansiiasymen aiyptaluşylarǧa qatysty ükım özgerıssız qaldyryldy.
Sot ükımı zaŋdy küşıne endı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz