قىتايدا تۋعان قانداستارىمىز قاستەر مۇساحانۇلى مەن مۇراگەر ءالىمۇلى سەمەيدەگى كولونيادان سەگىز ايدان كەيىن بوساپ شىقتى. بۇل تۋرالى ەكەۋىنىڭ ادۆوكاتى ءلاززات احاتوۆا حابارلادى.
ەسكە سالا كەتسەك، قاستەر مۇساحانۇلى مەن مۇراگەر ءالىمۇلىنا "مەملەكەتتىك شەكارانى قاساقانا زاڭسىز كەسىپ ءوتتى" دەگەن ايىپ تاعىلىپ، سوت ۇكىمىمەن قاماۋعا الىنعان بولاتىن. جىل باسىندا شىعىس قازاقستان وبلىسى زايسان اۋداندىق سوتى شىڭجاڭنان قازاقستانعا وتكەن (قاشقان) ەكى ەتنيكالىق قازاقتى ءبىر جىلعا باس بوستاندىعىنان ايىرۋ تۋرالى شەشىم شىعارعان ەدى. الايدا سوت ۇكىمىندە ولاردىڭ تەرگەۋ يزولياتورىندا وتىرعان كەزدەرى ەكى ەسەلەنىپ، ءبىر كۇنى ەكى كۇنگە ەسەپتەلدى. وسىلايشا قاماۋ مەرزىمى 2019 جىلدىڭ 18 قازانىنان باستاپ سانالعان.
الايدا قاماۋدان بوساعان جىگىتتەردىڭ قۇجاتتارى ءالى تولىق شەشىلمەگەن.
ۆيدەو قوس قانداسىمىزدىڭ ادۆوكاتى ءلاززات احاتقىزىنىڭ پاراقشاسىنان الىندى.
"ادىرنا" ۇلتتىق پورتالى
