كوروناۆيرۋس: ءبىز ءبىرىنشى تولقىننىڭ شىرقاۋ شەگىنە جەتتىك

7920
Adyrna.kz Telegram

ەۋروپا ەلدەرى كوروناۆيرۋستىڭ ەكىنشى تولقىنىنا دايىندىقتى باستاپ كەتتى. ولار كۇز ايىنداعى ەكىنشى تولقىن وتە قاتتى بولادى دەپ قورقۋدا. وعان سەبەپ تە جوق ەمەس.

بىرىنشىدەن، ۆيرۋستى جۇقتىرىپ، جازىلىپ شىققانداردىڭ وكپەسى ءالى قالپىنا كەلە قويمايدى. ال ولاردىڭ سانى ميلليوننان اسادى.

ەكىنشىدەن، ادامداردىڭ كۇز ايىندا يممۋنيتەتى ناشارلايتىن ءساتى. سوندىقتان ۆيرۋس ادام اعزاسىنا باساكوكتەپ كىرمەك.

ەندى ەۋروپالىق قاۋىمداستىقتىڭ ارنايى جوسپارى بويىنشا بارلىق دارىگەرلەر ۆيرۋسپەن كۇرەسۋگە دايىندىقتى باستاپ كەتتى. ولار دارىگەردىڭ قانداي ساناتتا جانە سالادا ەكەنىنە قاراماستان، ءبارىن جۇمىلدىرۋدا. ۆيرۋس وشاعىنا جىلدام بارۋ، ادامدارعا جەدەل كومەك كورسەتۋدى ۇيرەنۋدە. ال ءتارتىپ ساقشىلارى قالانى جىلدام بۇعاتتاۋدى پىسىقتاۋدا. حالىققا پاندەميا ساتىندە وقشاۋلانۋدىڭ ماڭىزدىلىعى جايلى اقپارات كۇنى-ءتۇنى ايتىلىپ جاتىر. ماركەتتەر ازىق-تۇلىكتەردى ارتتىرىپ، قويمالارىن تولتىرۋدا. ەۋروپانىڭ ماقساتى ەكىنشى تولقىندى تەز ءارى از شىعىنمەن جەڭىپ شىعۋ. ولار ءبىرىنشى تولقىننان ساباق الىپ، قاتەلىكتەردى قايتالاماۋعا تىرىساتىنىن مالىمدەدى. ءبىرىنشى تولقىن ەۋروپالىقتاردى زار ەڭىرەتىپ كەتتى. ەستىلەر ودان ساباق الارى انىق.

بىزدە ەكىنشى تولقىن قالاي بولار ەكەن؟! قازىردىڭ وزىندە جاعداي قيىن. مەنىڭ ويىمشا ءبىز قازىر ءبىرىنشى تولقىننىڭ شىرقاۋ شەگىنە جەتتىك. كۇنىنە مىڭعا جۋىق ادام جۇقتىرىپ جاتىر. ال حالىق اراسىندا ءالى ۆيرۋسقا سەنبەيتىندەر جەتەرلىك. بۇل ەندى سۇمدىق. نە ىستەۋ كەرەك؟

اسحات قاسەنعالي

پىكىرلەر