اتىراۋلىقتارعا ساعات 23:00-دەن كەيىن ۇيلەرىنەن شىعۋعا ۋاقىتشا تىيىم سالىندى ⠀

3125
Adyrna.kz Telegram

اتىراۋ وبلىسىنىڭ اۋماعىندا 5 شىلدە ساعات 00:00-دەن باستاپ 19 شىلدە ساعات 00:00-گە دەيىن شەكتەۋ شارالارى ەنگىزىلدى.

بۇل تۋرالى وڭىرلىك كوممۋنيكاتسيالار قىزمەتىنىڭ ءباسپاسوز ورتالىعىندا وتكەن ونلاين بريفينگتە  اتىراۋ وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى باسشىسىنىڭ ورىنباسارى سۇلەيمەن اۋباكىروۆ مالىمدەدى.

- وبلىستىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس، تۇرعىنداردىڭ قوزعالىسىنا شەكتەۋ قويىلادى.  الايدا، ازاماتتاردىڭ تۇرعىلىقتى جەرىنەن جۇمىس ورنىنا بارۋعا جانە كەرى قايتۋلارىنا تىيىم سالىنبايدى. تەك بۇل جاعدايدا ولاردىڭ  جۇمىس ورنىنان بەرىلگەن  انىقتاما نەمەسە قىزمەتتىك كۋالىگى وزدەرىمەن بىرگە بولۋى كەرەك.  سونداي-اق، ازىق-تۇلىك ونىمدەرىن، قاجەتتى تاۋارلاردى، ءدارى-دارمەكتەردى تۇرعىلىقتى جەرىنە جاقىن ورنالاسقان دۇكەندەر مەن ءدارىحانالاردان ساتىپ الۋعا، توتەنشە جاعدايلار تۋىنداعان كەزدە مەديتسينالىق مەكەمەلەرگە بارۋعا رۇقسات ەتىلەدى، - دەدى سۇلەيمەن اۋباكىروۆ.

ايتا كەتەيىك، تۇرعىنداردىڭ قوزعالىسىنا كەشكى ساعات 23:00-دەن تاڭعى ساعات 06:00-گە دەيىن تىيىم سالىنادى.

اتىراۋ

پىكىرلەر