اتىراۋدا ءدارى-دارمەك تاپشىلىعى ماسەلەسى شەشىمىن تابۋدا

2957
Adyrna.kz Telegram
اتىراۋعا ەكىنشى كۇن قاتارىنان قاجەتتى بارلىق ءدارى-دارمەك جەتكىزىلۋدە، - دەپ حابارلايدى اتىراۋ وبلىستىق كوممۋنيكاتسيالار قىزمەتى.
بۇل تۋرالى اتىراۋ وبلىسى اكىمىنىڭ ءبىرىنشى ورىنباسارى جانە كوروناۆيرۋسپەن كۇرەس جونىندەگى وڭىرلىك شۇعىل شتاب توراعاسى نۇرلان تاۋباەۆ مالىمدەدى.
- كەشە جانە بۇگىن ايماققا قاجەتتى ءدارى-دارمەك جەتكىزىلدى.  ولاردىڭ العاشقى لەگى مەديتسينالىق مەكەمەلەرگە جىبەرىلدى، ەندى اۋرۋحانالاردا كوروناۆيرۋس ينفەكتسياسىن جۇقتىرعان ناۋقاستاردىڭ ەمدەلۋىن قامتاماسىز ەتەتىن دارىلەردىڭ قورى جەتكىلىكتى.  ال، بۇگىن جەتكىزىلگەن دارىلەر  ەرتەڭ دارىحانالارعا تاراتىلاتىن بولادى.  الدىمىزداعى اپتانىڭ بەيسەنبى كۇنى تاعى دا  قور جەتكىزىلەدى دەپ كۇتىلۋدە.  اكەلىنەتىن ءدارى-دارمەكتەردىڭ جالپى كولەمى وڭىردەگى ءدارى تاپشىلىعى ماسەلەسىن شەشەدى، - دەدى نۇرلان تاۋباەۆ.
نۇرلان تاۋباەۆ  ارنايى مونيتورينگتىك توپ ءدارىحانالاردىڭ قىزمەتىن قاداعالاپ، ءدارى-دارمەك  باعاسى كوتەرىلگەن جاعدايدا قاتاڭ شارالار قولداناتىنىن اتاپ ءوتتى.
- بۇل نورما مەملەكەت باسشىسى قول قويعان ءدارى-دارمەك باعاسىن رەتتەۋ تۋرالى زاڭدا بەكىتىلگەن.  مونيتورينگ توبى دارىلەردىڭ باعاسىن قاداعالاپ وتىرادى، ەگەر ءدارىحانالاردا ءدارى قۇنى شەكتى باعادان اسىپ كەتكەندىگى انىقتالسا، سول ءدارىحانالار جابىلىپ، ليتسەنزياسىنان ايىرۋعا دەيىن قاتاڭ شارالار قولدانىلادى. سونداي-اق، ءدارىحانا باسشىلىعىنا ايىپپۇل سالىنادى، - دەدى ول.
ايتا كەتەيىك، "ادىرنا" بۇعان دەيىن وسى وڭىردە ءدارى-دىرمەكتىڭ ەكى ءتۇرلى باعادا ساتىلىپ جاتقانىن حابارلاعان بولاتىن. مونيتورينگتىك توپتىڭ وسى جايعا نازار اۋدارۋىن سۇرايمىز.
"ادىرنا" ۇلتتىق پورتالى
پىكىرلەر