«ادىرنا» ۇلتتىق پورتالىنىڭ ءتىلشىسى الەمدەگى ەڭ ايگىلى مۋزەيلەر تۋرالى ماقالالار سەرياسىن باستايدى.
لۋۆر – الەمدەگى ەڭ ايگىلى جانە ەۋروپاداعى تۇڭعىش مۇراجاي. ول تەك قانا تاريحي ەسكەرتكىش رەتىندە عانا ەمەس، سونىمەن قاتار ەڭ تانىمال مۋزەي رەتىندە دە ايگىلى. مۋزەيدە 350 مىڭنان استام تاريحي جادىگەرلەر ساقتاۋلى. بۇل تاريحي جادىگەرلەر 60 مىڭ گەكتار اۋماققا ورنالاستىرىلعان. مۇراجاي الەمدەگى ەڭ كەڭ جانە اسەرلى ونەر جيناقتارىنىڭ بىرىنە اينالعانعا دەيىن، ەرتە ورتاعاسىرلىق ءپاريجدى باسقىنشىلاردان قورعاعان كورول سارايى جانە بەكىنىستەردىڭ ماڭىزدى بولىگى بولدى.
مۇراجايدىڭ اشىلۋى فرانتسۋز رەۆوليۋتسياسى ەتەك العان تۇسقا، ياعني 1793 جىلمەن تۇسپا-تۇس كەلگەن. لۋۆردىڭ ەڭ تانىمال قۇندىلىقتارى رەتىندە – لەوناردو دا ءۆينچيدىڭ مونا ليزاسىن، كونە گرەكتىك ۆەنەرا ميلوسسكايا مۇسىندەرىن اتاپ كەتۋگە بولادى.
مۇراجاي سەنانىڭ وڭ جاق جاعالاۋىندا، ءپاريجدىڭ ورتالىعىندا ورنالاسقان. ول العاشىندا قامال بولعان. سارايدىڭ قۇرىلىسى سەگىز عاسىرعا سوزىلىپ، نەگىزىن II فيليپپ اۆگۋست قالاعان. «لۋۆر» ءسوزى فرانتسۋز تىلىندە مۇنارا، قامال دەگەن ماعىنالاردى بىلدىرگەن. XVII ع. لەمەرسە جانە لەۆو اتتى ارحيتەكتورلار كەڭ كولەمدە قۇرىلىس جاساپ، ءتورتبۇرىش الاڭدى سالعان. 1980 جىلى لۋۆر مۋزەيى سوڭعى وزگەرىسكە ۇشىراپ، ارحيتەكتور يو مينگ پەي لۋۆردى قايتا جوبالاپ، ۇلكەن اينەك پيراميدالار سالىندى.
لۋۆر پيراميداسى ساۋلەتشى يو مينگ پەي جوباسى نەگىزىندە سالىنعان. اينەك قۇرىلىس ماتەريالدارىنان سالىنعان. مۋزەيدىڭ بيىكتىگى 21مەتر، ۇزىندىعى 35 مەرت. پيراميدا اينەك رويبيگ، ءۇشبۇرىش فورماسىنداعى ۇلگى رەتىندە جاسالعان. مۋزەيدە لەوناردو دا ۆينچي، رەمبرانتد، رۋبەنس، جان مانۋەل، ۆەلاسكەس سەكىلدى الەمگە ايگىلى قىلقالام شەبەرلەرىنىڭ سۋرەتتەرى ساقتاۋلى.
ناپولەون بوناپارت تۇسىندا سۋرەتشىلەر پەرسە پانتەننىڭ باسشىلىعىمەن لۋۆر كولەمى ۇلعايىپ، مازاريني جانە بانكير ياباحتىڭ كوللەكتسيالارىنىڭ ساتىپ الىنۋى مۋزەي قورىن بايىتتى. XX ع 90 ج كەسكىندەمە مەن مۇسىندەمە كوتالوگى بويىنشا لۋۆر قورى وتىز مىڭداي بولعان. 1989 جىلى قىتايلىق ساۋلەتشى ي.ي.پەيدىڭ سالىنعان لۋۆر شىنى پيراميداسى اشىلىپ، جاڭا باستى كىرەبەرىس رەتىندە قىزمەت ەتكەن.
ەۋروپانىڭ اتاقتى مۇراجايى لۋۆر 2012 جىلى ەڭ كوپ قوناق كەلگەن ورىن بولىپ تىركەلدى. جىل باسىنان باستاپ لۋۆر كاسسالارىندا 10 ميلليون بيلەت ساتىلعان. بۇل دەگەنىمىز بۇرىنعى كورسەتكىشتەن مولشەرمەن 1 ميلليون كوپ دەگەن ءسوز. ادامدار اڭىزعا اينالعان مۇراجايدىڭ قوناعى بولۋعا الەمنىڭ ءار تۇپكىرىنەن اعىلىپتى.
2018 جىلى لۋۆر كەلۋشىلەرىنىڭ سانى 10 ملن-نان استى. لۋۆر-فرانتسيانىڭ كوركەم جانە تاريحي جادىگەرلەرىن كوللەكتسيالاۋدىڭ باي تاريحى بار كونە مۇراجايلاردىڭ ءبىرى.
ەندى لۋۆر مۇراجايى تۋرالى 7 فاكتىنى اتايىق.
- لۋۆر الەمنىڭ ەڭ ۇلكەن جانە تانىمال مۇراجايلارىنىڭ ءبىرى، ءپاريجدىڭ نورت-دام نەمەسە ەيفەل مۇناراسى سياقتى سالىنعان.
- لۋۆر جىل سايىن 10 000 000 دەيىن ءوز وي-ءورىسىن كەڭەيتۋگە نيەت بىلدىرۋشىلەردى قابىلداي وتىرىپ، ءپاريجدىڭ ەڭ كورىكتى ورىندارىنىڭ ءبىرى بولىپ تابىلادى.
- لۋۆردىڭ وسىنداي تانىمالدىلىعىنا VI عاسىردان باستاپ قازىرگى ۋاقىتقا دەيىن 380 000 قايتالانباس جاۋhارلار مەن انتيكۆاريات جيىنتىعىنتارى سەبەپ بولدى. كوللەكتسيالاردىڭ بايلىعى بويىنشا ونىمەن ەشتەڭە سالىستىرىلمايدى.
- لۋۆردىڭ اۋدانى 160 106 شارشى مەتر. بۇل مۇراجايدى ارالاپ ءوتۋ ءۇشىن 3 اي ۋاقىت قاجەت!
- فرانتسۋز تىلىنەن اۋدارعاندا «لۋۆر» اتاۋى «قاسقىر ورمانى» دەگەندى بىلدىرەدى. ساراي بۇرىنعى اڭشىلىق القاپتارىنىڭ ورنىنا سالىنعان.
- لۋۆردىڭ ەڭ تانىمال ەكسپوناتتارى: لەوناردو دا ۆينچي جانە ۆەنەرا ميلوسسكايانىڭ ءمۇسىنى.
- لۋۆردىڭ مۇراجاي رەتىندە رەسمي اشىلۋى 1793 جىلدىڭ 10 تامىزىندا ءوتتى.
دايىنداعان: گۇلۆيرا اسقار،
"ادىرنا" ۇلتتىق پورتالى
