قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى تاعانۇلى وتانداستارىمىزعا ۇندەۋ جولدادى.
"حالقىمىزدا "اۋىر جول - اتاڭدى سىنايدى، اۋىر ءىس - ادامدى سىنايدى" دەگەن ءسوز بار. حالقىمىزدىڭ باسىنا كەلىپ وترىعان جاعداي بارىمىزگە وڭاي ءتيىپ جاتقان جوق. اللا تاعالا دەرتكە شالدىققاندارعا شيپا بەرىپ، ءدام تۇزى تاۋسىلعان جانداردى مەيىرىمىنە العاي", - دەپ ءسوزىن باستادى.
قازىر كوپتەگەن ادامداردىڭ قۇربان شالىپ جاتقانىنا توقتالىپ، مۇنىڭ ناۋبەتتەن امان-ەسەن وتكىزۋىنە سەبەپكەر بولۋىن تىلەدى.
"قۇرمەتتى قاۋىم، اسىل دىنىمىزدە قاجەت ۋاقىتتا قاجەت كومەكتى جاساۋ ۇلكەن ساۋاپتى امالداردىڭ بىرىنە جاتادى. سىندارلى ساتتە ناۋقاس جاندارعا قاجەتتى ءدارى-دارمەكتى جەتكىزىپ، العىس الايىق. ءدارى-دارمەكتىڭ باعاسىن قولدان قىمباتتاتۋعا جول بەرمەي، جاقسىلىق جاساۋعا اسىعايىق. ال جۇرتىمىزدى جۇقپالى ىندەتتەن اراشالاپ الۋعا بار كۇشىن جۇمساپ، جان-تانىمەن قىزمەت ەتىپ جۇرگەن اق حالاتتى ابزال جاندارعا جىلى ءسوزىمىزدى ارناپ، جىگەرىن وياتايىق. ولار ءۇشىن ءاردايىم دۇعادا بولايىق", - دەدى ناۋرىزباي قاجى.
"ادىرنا" ۇلتتىق پورتالى
