Qazaqstan mūsylmandary dıni basqarmasynyŋ töraǧasy, Bas müfti Nauryzbai qajy Taǧanūly otandastarymyzǧa ündeu joldady.
"Halqymyzda "Auyr jol - ataŋdy synaidy, auyr ıs - adamdy synaidy" degen söz bar. Halqymyzdyŋ basyna kelıp otryǧan jaǧdai bärımızge oŋai tiıp jatqan joq. Alla Taǧala dertke şaldyqqandarǧa şipa berıp, däm tūzy tausylǧan jandardy meiırımıne alǧai", - dep sözın bastady.Qazır köptegen adamdardyŋ qūrban şalyp jatqanyna toqtalyp, mūnyŋ näubetten aman-esen ötkızuıne sebepker boluyn tıledı.
"Qūrmettı qauym, asyl dınımızde qajet uaqytta qajet kömektı jasau ülken sauapty amaldardyŋ bırıne jatady. Syndarly sätte nauqas jandarǧa qajettı därı-därmektı jetkızıp, alǧys alaiyq. Därı-därmektıŋ baǧasyn qoldan qymbattatuǧa jol bermei, jaqsylyq jasauǧa asyǧaiyq. Al jūrtymyzdy jūqpaly ındetten araşalap aluǧa bar küşın jūmsap, jan-tänımen qyzmet etıp jürgen aq halatty abzal jandarǧa jyly sözımızdı arnap, jıgerın oiataiyq. Olar üşın ärdaiym dūǧada bolaiyq", - dedı Nauryzbai qajy.
"Adyrna" ūlttyq portaly
https://www.youtube.com/watch?v=z0eWvU6SAeQ&feature=emb_logo
