قازاقستاننىڭ باس سانيتار دارىگەرى ايجان ەسماعامبەتوۆا ەكونوميست ولجاس قۇدايبەگەنوۆتىڭ پىكىرىمەن كەلىسپەيتىنىن ايتتى، دەپ حابارلايدى "ادىرنا" Tengrinews.kz كە سىلتەمە جاساپ.
وسىعان دەيىن ەكونوميست ەلىمىزدە 2 ميلليون ادام كوروناۆيرۋس جۇقتىرعانىن ايتقان بولاتىن.
"قازىرگى تاڭدا الەمدە سيمپتومسىز ناۋقاستاردىڭ ۇلەسى 15-40 پايىز ارالىعىندا. ول كورسەتكەنداي 85 پايىز ەمەس. ال پنەۆمونيامەن اۋىرعانداردىڭ ۇلەسى 20 پايىز شاماسىندا. سوندىقتان ءبىز ولجاس كەلتىرگەن دەرەكتەرمەن كەلىسپەيمىز", - دەدى ەسماعامبەتوۆا وكق-دە وتكەن ءباسپاسوز ءماسليحاتىندا.
ايتا كەتەيىك، وسىعان دەيىن قازاقستاننىڭ باس سانيتار دارىگەرى ەلىمىزدە كوروناۆيرۋس جۇقتىرعان، بىراق باسقا سوزىلمالى اۋرۋدان 319 ادام قايتىس بولعانىن ايتقان ەدى.
ەلىمىزدە كوروناۆيرۋس جۇقتىرعاندار سانى 76 799-عا جەتتى. 48 220 ناۋقاس دەرتىنەن ايىقتى، 585 ادام اۋرۋدان كوز جۇمدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز