"قازاقتاي كەڭپەيىل حالىققا تاۋەلسىز مەملەكەت دەگەن اتاق پەن ابىروي الىپ بەرەمىز",-دەپ ۇلتجاندى جاستار ورىمدەي ومىرلەرىن قۇربان ەتتى. سول جاستاردىڭ اتا-اناسى ءالى كۇنگە دەيىن قان جۇتىپ، ۇل-قىزىنىڭ ءتىرى كۇنىن كەرمەك ساعىنىشپەن ەسكە الۋدا. الايدا ءبىزدىڭ جەلتوقسان وقيعاسىن 16 جەلتوقساندا عانا ەسكە تۇسىرەتىنىمىز قيىن-اق..ءدال بۇگىن 27-شىلدە كۇنى كوزى ءتىرى بولعاندا قازاقتىڭ وجەت تە باتىر قىزى، جەلتوقسان قۇربانى، «حالىق قاھارمانى» اتاعىن مەملەكەت بەرمەسە دە حالقى بەرگەن ءلاززات اسانوۆا 50 جاسقا تولار ەدى. سوعان وراي«ادىرنا» ۇلتتىق پورتالىنىڭ جۋرناليستەرى ءلاززات اسانوۆانىڭ اناسى التىناي اسانوۆامەن بىرگە الاڭعا بارىپ، جەتى شەلپەك تاراتىپ، گۇل شوقتارىن قويىپ كەتتى.
التىناي اسانوۆا تەرەڭ كۇرسىنىسپەن «بۇگىن قىزىمنىڭ 50 جىلدىعىمەن ەشكىم قۇتتىقتاپ حابارلاسقان دا، الاڭعا بارىپ گۇل شوقتارىن قويعان دا جوق. تىپتەن جەلتوقساندىقتاردىڭ بىرەۋى كەلمەدى..» دەدى. ءبىز دە ءبىر كۇرسىنىپ الدىق. ءيا، جىلدار جىلجىپ وتكەنىمەن جەلتوقسان جاراسى جۇرەكتەن ەشقاشان كەتپەيدى ەكەن...
"ادىرنا" ۇلتتىق پورتالى
