قۇربان ايت ءداستۇرلى مەرەكەسىن تويلاۋ قارساڭىندا الماتى قالاسىنىڭ باس مەملەكەتتىك سانيتار دارىگەرى جانداربەك بەكشين “الماتى قالاسىنىڭ اۋماعىندا قۇربان ايت مەرەكەسى كۇندەرى كوروناۆيرۋس ينفەكتسياسىنىڭ تارالۋىنا ىقپال ەتەتىن كوپشىلىك شارالاردى وتكىزۋگە تىيىم سالۋ تۋرالى” قاۋلىسىنا قول قويدى.
الماتى قالاسىنىڭ وڭىرلىك كوممۋنيكاتسيالار قىزمەتىنىڭ ونلاين-بريفينگ بارىسىندا اتالعان قاۋلىعا سايكەس، الماتى قالاسىنىڭ اۋماعىندا قۇربان ايتتى مەرەكەلەۋ كۇندەرى تومەندەگى جايلارعا تىيىم سالىناتىنى حابارلاندى:
- الماتى قالاسىنىڭ اۋماعىندا اۆتوكولىكتەرمەن اكەلىنگەن مالداردى ساتۋعا جانە جەكە يەلىكتەگى ءۇي-جايلارىندا مال ساتۋعا، مال سويىسىن ۇيىمداستىرۋعا جانە وتكىزۋگە;
- جەكەمەنشىك فورماسىنا قاراماستان، بارلىق ۇيىمداردا، جەكەمەنشىك ءۇي-جايلار مەن مەدرەسەلەردە كوپشىلىك شارالاردى وتكىزۋگە;
سونىمەن قاتار، 31 شىلدە مەن 2 تامىز ارالىعىندا الماتى قالاسىنىڭ ورتالىق مەشىتىمەن بەكىتىلگەن ونلاين رەجيمدە قۇربان شالۋدى جۇزەگە اسىراتىنداردان باسقا، مال ساتاتىن تسەحتار مەن بازارلاردىڭ جۇمىسى توقتاتىلادى.
قر اشم ۆەتەرينارلىق باقىلاۋ جانە قاداعالاۋ كوميتەتىنىڭ اۋماقتىق ينسپەكتسياسىمەن 27.07.2020 ج- 02.08.2020 ج ارالىعىندا الماتى قالاسىنىڭ اۋماعىندا مەملەكەتتىك ۆەتەرينارلىق-سانيتارلىق باقىلاۋ جانە قاداعالاۋ كۇشەيتىلەدى. الماتى قالاسىنا كىرەبەرىستەردە ونلاين رەجيمدە قۇرباندىق شالۋعا ارنالعانداردى قوسپاعاندا، قالا اۋماعىنا مالداردىڭ اكەلىنۋىن بولدىرماۋ جانە جولىن كەسۋ بويىنشا پوستتار ۇيىمداستىرىلادى.
بەكشين بۇل شارالاردى كوروناۆيرۋس ينفەكتسياسىن بولدىرماۋ ماقساتىمەن جاسالىپ جاتقانىن جەتكىزدى.
قۇربان شالۋ تەك ونلاين رەجيمدە باق ارقىلى عانا رۇقسات ەتىلەدى.
ەسكە سالا كەتسەك، كەشەلى بەرى الەۋمەتتىك جەلىدە قۇربان ايت مەرەكەسىنە وراي قوي باعاسىنىڭ قىمباتتاپ جاتقانى تۋرالى اقپاراتتار شىعا باستادى.
"ادىرنا" ۇلتتىق پورتالى
