Qūrban ait dästürlı merekesın toilau qarsaŋynda Almaty qalasynyŋ bas memlekettık sanitar därıgerı Jandarbek Bekşin “Almaty qalasynyŋ aumaǧynda Qūrban ait merekesı künderı koronavirus infeksiiasynyŋ taraluyna yqpal etetın köpşılık şaralardy ötkızuge tyiym salu turaly” Qaulysyna qol qoidy.
Almaty qalasynyŋ öŋırlık kommunikasiialar qyzmetınıŋ onlain-brifing barysynda atalǧan Qaulyǧa säikes, Almaty qalasynyŋ aumaǧynda Qūrban aitty merekeleu künderı tömendegı jailarǧa tyiym salynatyny habarlandy:
- Almaty qalasynyŋ aumaǧynda avtokölıktermen äkelıngen maldardy satuǧa jäne jeke ielıktegı üi-jailarynda mal satuǧa, mal soiysyn ūiymdastyruǧa jäne ötkızuge;
- jekemenşık formasyna qaramastan, barlyq ūiymdarda, jekemenşık üi-jailar men medreselerde köpşılık şaralardy ötkızuge;
Sonymen qatar, 31 şılde men 2 tamyz aralyǧynda Almaty qalasynyŋ Ortalyq meşıtımen bekıtılgen onlain rejimde qūrban şaludy jüzege asyratyndardan basqa, mal satatyn sehtar men bazarlardyŋ jūmysy toqtatylady.
QR AŞM Veterinarlyq baqylau jäne qadaǧalau komitetınıŋ aumaqtyq inspeksiiasymen 27.07.2020 j- 02.08.2020 j aralyǧynda Almaty qalasynyŋ aumaǧynda memlekettık veterinarlyq-sanitarlyq baqylau jäne qadaǧalau küşeitıledı. Almaty qalasyna kıreberısterde onlain rejimde qūrbandyq şaluǧa arnalǧandardy qospaǧanda, qala aumaǧyna maldardyŋ äkelınuın boldyrmau jäne jolyn kesu boiynşa posttar ūiymdastyrylady.
Bekşin būl şaralardy koronavirus infeksiiasyn boldyrmau maqsatymen jasalyp jatqanyn jetkızdı.
Qūrban şalu tek onlain rejimde BAQ arqyly ǧana rūqsat etıledı.
Eske sala ketsek, keşelı berı äleumettık jelıde Qūrban ait merekesıne orai qoi baǧasynyŋ qymbattap jatqany turaly aqparattar şyǧa bastady.
"Adyrna" ūlttyq portaly
