اتىراۋ وبلىسىنىڭ اكىمى رەسەيلىك دارىگەرلەرگە العىس ايتتى

3216
Adyrna.kz Telegram

«بۇگىن اتىراۋ وبلىسىنىڭ اكىمى ماحامبەت دوسمۇحامبەتوۆ پاندەميامەن كۇرەسكە جۇمىلدىرىلعان  رەسەيلىك  دارىگەرلەردى قابىلداپ، العىس ايتتى.

«قازىرگىدەي قالىپتاسقان كۇردەلى ەپيدەميولوگيالىق جاعدايدا رەسەيلىك دارىگەر مامانداردىڭ اتىراۋعا كەلۋى دەر كەزىندە جاسالعان كومەك بولدى. قازىر  ناۋقاستار سانى ازايۋدا. اتىراۋلىقتاردىڭ كوروناۆيرۋس ينفەكتسياسىنان ساۋىعۋ ديناميكاسى دا جوعارى. باستاپقىدا دəرىگەر تاپشىلىعى قاتتى بايقالدى. قازىر مەديتسينا سالاسى جاس كادرلارمەن تولىعىپ، مəسەلە شەشىلىپ كەلەدى» دەگەن ايماق باسشىسى ماحامبەت دوسمۇحامبەتوۆ  دəرى-دəرمەك، قاجەتتى جابدىقتار بويىنشا بۇگىندە وبلىستا قور جاساقتالىپ جاتقانىن اتاپ ءوتتى.

وبلىستىق كارديولوگيالىق ورتالىقتىڭ قاۋىپتى ايماعىندا ەكى اپتا ۋاقىت ەڭبەك ەتكەن استراحان دەلەگاتسياسى قۇرامىنداعى جەدەل جاردەم ستانساسىنىڭ دارىگەرى اننا چەپەل اتىراۋلىق ارىپتەستەرىنىڭ ءوز ءىسىنىڭ شەبەرى ەكەنىن ايتتى.

 «اتىراۋلىق ارىپتەستەرىمىز شىن مانىندە بار ءومىرىن جۇمىستا وتكىزىپ جاتىر. بۇل ۇلكەن ەڭبەك. بۇعان ءبىز كوروناۆيرۋس ينفەكتسياسىنا جانە پنەۆمونياعا شالدىققان ناۋقاستاردى ەمدەۋ شارالارىنا تىكەلەي اتسالىسۋ كەزىندە كۋا بولدىق. قازاقستاندىق تاراپ قولدانىپ وتىرعان پرەپاتتار ءبىزدىڭ ەمدەۋ حاتتامامىزعا تولىق سايكەس كەلەدى» دەدى ول.

ماسكەۋ دەلەگاتسياسىن باستاپ كەلگەن ۆلاديمير ۆلاسوۆ بولسا، اتىراۋ وبلىستىق №2 اۋرۋحاناسىندا جۇمىس ىستەگەن. رەسەيلىك دارىگەر اتىراۋدا قالىپتاسقان قازىرگى احۋالدى رەسەيدىڭ ناۋرىز، ءساۋىر ايلارىندا باستان وتكەرگەنىن ايتتى.

«باستىسى، ستاتسيونارلاردا ۇيىمداستىرۋ جۇمىستارى جوعارى دەڭگەيدە. كادر ماسەلەسى دە قازىر شەشىلىپ كەلەدى. سىرقاتتانىپ قالعان دارىگەرلەر دە قاتارعا قوسىلۋدا. ءبىز دە ارىپتەستەرىمىزدەن ءبىراز نارسەنى ۇيرەندىك. بۇل جەردە اتىراۋلىق دارىگەرلەردىڭ كاسىبي شەبەرلىگىن جانە ءوز ءومىرىن، وتباسىن قاۋىپكە تىگە وتىرىپ، ادام ءومىرىن جانقيارلىقپەن قۇتقارۋ جولىندا ەڭبەك ەتىپ جۇرگەندەرىن اتاپ وتكەنىمىز ءجون» دەيدى ول.

ەسكە سالا كەتەلىك،  شىلدە ايىنىڭ ورتاسىنا رەسەي فەدەراتسياسىنان ماسكەۋلىك جانە استراحاندىق دارىگەرلەر اتىراۋ وبلىسىنا مەديتسينالىق كومەك كورسەتۋ ءۇشىن كەلگەن ەدى.
ەكى اپتا بويىنا اتىراۋداعى ينفەكتسيالىق جانە پروۆيزورلىق ستاتسيونارلارداعى قاۋىپتى ايماقتاردا ناۋقاستاردى ەمدەۋمەن اينالىسقان 11 دارىگەردىڭ قاتارىندا انەستەزيولوگ-رەانيماتولوگ، پۋلمانولوگ، ينفەكتسيونيست، جالپى تاجىريبەلىك دارىگەر، پەدياترلار بار.
بۇگىنگى كۇنى اتىراۋ وبلىسىندا ەپيدەميولوگيالىق احۋالدىڭ تۇراقتانىپ كەلە جاتقانىن اتاپ وتكەنىمىز ءجون. وسىعان بايلانىستى اتىراۋدا كارانتيندىك ورىندار سانى 90 پايىزعا دەيىن قىسقارتىلىپ، پروۆيزورلىق ستاتسيونارلارداعى كەرۋەتتەر ازايتىلىپ جاتىر. تامىز ايىنان باستاپ اتىراۋدىڭ مەديتسينالىق ورتالىقتارى جوسپارلى ەمدەۋ شارالارىنا كوشەدى.

اتىراۋ 

پىكىرلەر