قازاقستاندىقتاردىڭ شەتەلگە جىبەرەتىن اقشاسى كوبەيۋ ۇستىندە. حالىقارالىق اقشا اۋدارىمدارى جۇيەسى (ااج) ارقىلى ەلدەن شەتەلگە جىبەرىلگەن قاراجات كولەمى بويىنشا جاڭا رەكورد ەكى اي قاتارىنان ورناتىلعاندىعى تۋرالى ساراپشىلار جۇرگىزگەن زەرتتەۋدە ايتىلعان. بۇل تۋرالى «ادىرنا» ۇلتتىق پورتالى ranking.kz كە سىلتەمە جاساي وتىرىپ حابارلايدى.
حالىقارالىق اقشا اۋدارىمدارى جۇيەسى ارقىلى شەتەلگە جىبەرىلگەن قاراجات كولەمى 2020 جىلدىڭ ماۋسىمىندا رەكوردتىق 92,8 ملرد تەڭگەنى قۇرادى. بۇل ءبىر اي بۇرىن، وسى جىلدىڭ مامىر ايىندا قول جەتكىزىلگەن رەكوردتىق كورسەتكىشتەن 22,1 ملرد تەڭگەگە ارتىق.
سونىمەن قاتار، "كارانتيندىك " ساۋىردە شەتەلگە جاسالعان اۋدارىمدار كولەمى 22,5 ملرد تەڭگەنى قۇرادى، بۇل 2016 جىلدىڭ قاڭتارىنان باستاپ ەڭ تومەن كورسەتكىش.
سوڭعى ەكى ايدا شەتەلگە جىبەرىلگەن اۋدارىمداردىڭ رەكوردتىق كولەمى ءوز ءرولىنايتارلىقتاي اتقاردى. 2020 جىلدىڭ ءبىرىنشى جارتىجىلدىعىندا جىبەرىلگەن قاراجاتتىڭ جالپى كولەمى2019 جىلدىڭ سايكەس كەزەڭىمەن سالىستىرعاندا11,7% - عا, 314,6 ملرد تەڭگەگە دەيىن ءوستى.
قاراجات جىبەرىلگەن ەلدەر اراسىنداقىرعىزستانعا جاسالعان اۋدارىمدار كولەمى ەداۋىرارتتى: بىردەن 81,7% - عا, 63,8 ملرد تەڭگەگە دەيىن, ونىڭ ىشىندە 45,3 ملرد تەڭگە سوڭعى 2 ايدا عانااۋدارىلدى.
سونداي-اق تۇركياعا دا اۋدارىمداردىڭ كولەمى ايتارلىقتاي وسكەندىگىن اتاپ ءوتۋ كەرەك، 38,1% - عا، 54,1 ملرد تەڭگەگە دەيىن ءوستى.
قازاقستاننان شەتەلگە اۋدارىمدار كولەمى بويىنشا رەسەي ادەتتەگىدەي كوش باستاپ كەلەدى. وسى جىلدىڭ ءبىرىنشى جارتى جىلدىعىندا رەسەيگە 88,7 ملرد تەڭگە اۋدارىلعان، بۇل 2019 جىلدىڭ ءبىرىنشى جارتىجىلدىعىمەن سالىستىرعاندا 10,3%-عا از. ەكىنشى ورىندا قىرعىزستان (63,8 ملرد تەڭگە) تۇر، ودان كەيىن وزبەكستان (63,3 ملرد تەڭگە), ءتورتىنشى ورىندا تۇركيا (54,1 ملرد تەڭگە) تۇر.
حالىقارالىق اقشا اۋدارىمدارى جۇيەلەرىنىڭ ىشىندە شەتەلگە جىبەرىلگەن اقشا كولەمى بويىنشا «زولوتايا كورونا» كوش باستاپ تۇر، وعان بارلىقاقشا اۋدارىمى وپەراتسياسىنىڭ 81% — دان استامى تيەسىلى. بيىلعى جىلدىڭ التى ايىندا وسى اقشا اۋدارىم جۇيەسى ارقىلى 255 ملرد تەڭگە وتكەن، بۇل 2019 جىلعى قاڭتار-ماۋسىمعا قاراعاندا 26% - عا كوپ.
«ادىرنا» ۇلتتىق پورتالى
