اۋماعى 426 گا جەردى قۇرايتىن شىمكەنت قالاسىنداعى «وڭتۇستىك» جانە «تاسساي» يندۋستريالىق ايماقتارىنان بيىلعى جىلدىڭ قاڭتار-مامىر ايلارى ارالىعىندا قازىناعا 1,3 ملرد.تەڭگە سالىق تۇسكەن.
بۇل تۋرالى كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى بەرەكە دۇيسەبەكوۆ اقپاراتتىق-كوممۋنيكاتسيالىق ورتالىقتا وتكەن بريفينگتە باياندادى.
ونىڭ ايتۋىنشا، يندۋستريالدى ايماقتاردا قۇنى 126,7 ملرد.تەڭگەنى قۇرايتىن 124 جوبا جۇزەگە اسىرىلىپ جاتىر ەكەن. ناتيجەسىندە 6 مىڭنان اسا تۇرعىن جۇمىسقا تارتىلادى. ونىڭ ىشىندە 70,9 ملرد.تەڭگەگە 84 جوبا ىسكە قوسىلىپ، سونىڭ ارقاسىندا 4 مىڭنان اسا جۇمىس ورنى قۇرىلىپتى.
سونىمەن قاتار، وسى جىلدىڭ 1 توقسانى بويىنشا «وڭتۇستىك» جانە «تاسساي» يندۋستريالىق ايماقتارىندا 6 ملرد.تەڭگەنىڭ ءونىمى ءوندىرىلىپ، ەكسپورتقا شىققان ءونىم قۇنى 1,9 ملرد.تەڭگەنى قۇراپ وتىر.
شىمكەنت قالاسى اكىمىنىڭ ءباسپاسوز قىزمەتى
