شۆەد عالىمدار توبى Cell جۋرنالىندا جاريالاعان زەرتتەۋىندە بارلىق كوروناۆيرۋسپەن اۋىرعاندار ۆيرۋستى قايتا جۇقتىرعان جاعدايدا ونى انىقتاپ، جويا الاتىن T جاسۋشالارى پايدا بولادى دەگەن بولجامىن ۇسىندى.
زەرتتەۋ اۆتورلارى COVID-19-دان جازىلعان 206 شۆەدتىڭ قانىن زەرتتەپ، ولاردا اۋرۋدىڭ اۋىرلىعىنا قاراماستان تۇراقتى ت-جاسۋشالىق رەاكتسيا دامىعانىن انىقتادى. ت جاسۋشالارى تەرىس انتيدەنەلەر سىناعىنان وتكەن ناۋقاستاردا دا پايدا بولعان.
عالىمداردىڭ ايتۋىنشا: «ت-جاد جاسۋشالارى COVID-19-دان ۇزاق مەرزىم بويى يممۋندىق قورعانۋدا وتە ماڭىزدى بولۋى مۇمكىن». ولاردىڭ كومەگىمەن ۆيرۋستىڭ قايتالانۋى وتە سيرەك كەزدەسەتىن كورىنەدى. «ت-جاد جاسۋشالارى اعزادا جىلدار بويى قالىپ، ال اۋرۋ كەتكەن كەزدە انتيدەنەلەر دەڭگەيى تومەندەيدى»، - دەپ ءتۇسىندىردى عالىمدار.
شۆەد عالىمدارىنىڭ تۇجىرىمدارىن باسقا زەرتتەۋلەر دە راستايدى. مىسالى، Nature جۋرنالىندا جاريالانعان زەرتتەۋدە CوVID-19 دەرتىنەن ايىققان 36 پاتسيەنتتىڭ ارقايسىندا ت-جاسۋشا پايدا بولعانى ايتىلعان. تاعى ءبىر نەمىس عالىمدارىنىڭ زەرتتەۋ ناتيجەسىندە كوروناۆيرۋسپەن 18 پاتسيەنتتىڭ 80%-دان استامىندا ت جاسۋشاسى بولعان.
عالىمدار سovid-19-بەن ەشقاشان اۋىرماعان ادامداردا دا ت-جاسۋشالار بار ەكەنىن تاپتى. ولار بۇل ناتيجەنى قارسى-رەاكتيۆتىلىك قۇبىلىسىمەن بايلانىستىردى: ۆيرۋسقا جاۋاپ رەتىندە داميتىن ت جاسۋشالارى ۇقساس، بىراق بۇرىنىراق باسقا بەلگىسىز پاتوگەنگە رەاكتسيا جاساعان كەزدە پايدا بولعان.
ساراپشىلار بۇل قارسى-رەاكتيۆتى ت جاسۋشالارى بۇرىن سۋىق ءتيۋدى تۋدىراتىن ۆيرۋستىڭ اسەرىنەن بولعان بولۋى مۇمكىن دەپ سانايدى. سونداي-اق ەپيدەميولوگتار كەيبىر پاتسيەنتتەردىڭ جەڭىل، ەندى ءبىرىنىڭ قاتتى اۋىرعانىنىڭ سەبەبىن دە وسى جاسۋشامەن بايلانىستىرادى.
SARS سياقتى باسقا كوروناۆيرۋستاردى زەرتتەۋ بارىسىندا الىنعان مالىمەتتەر ت جاسۋشالارىنىڭ ءومىر ءسۇرۋ ۇزاقتىعى ونداعان جىلدار بولۋى مۇمكىن ەكەنىن كورسەتەدى.
«ادىرنا» ۇلتتىق پورتالى
