Şved ǧalymdar toby Cell jurnalynda jariialaǧan zertteuınde barlyq koronaviruspen auyrǧandar virusty qaita jūqtyrǧan jaǧdaida ony anyqtap, joia alatyn T jasuşalary paida bolady degen boljamyn ūsyndy.
Zertteu avtorlary COVID-19-dan jazylǧan 206 şvedtıŋ qanyn zerttep, olarda aurudyŋ auyrlyǧyna qaramastan tūraqty T-jasuşalyq reaksiia damyǧanyn anyqtady. T jasuşalary terıs antideneler synaǧynan ötken nauqastarda da paida bolǧan.
Ǧalymdardyŋ aituynşa: «T-jad jasuşalary COVID-19-dan ūzaq merzım boiy immundyq qorǧanuda öte maŋyzdy boluy mümkın». Olardyŋ kömegımen virustyŋ qaitalanuy öte sirek kezdesetın körınedı. «T-jad jasuşalary aǧzada jyldar boiy qalyp, al auru ketken kezde antideneler deŋgeiı tömendeidı», - dep tüsındırdı ǧalymdar.
Şved ǧalymdarynyŋ tūjyrymdaryn basqa zertteuler de rastaidy. Mysaly, Nature jurnalynda jariialanǧan zertteude COVID-19 dertınen aiyqqan 36 pasienttıŋ ärqaisynda T-jasuşa paida bolǧany aitylǧan. Taǧy bır nemıs ǧalymdarynyŋ zertteu nätijesınde koronaviruspen 18 pasienttıŋ 80%-dan astamynda T jasuşasy bolǧan.
Ǧalymdar Sovid-19-ben eşqaşan auyrmaǧan adamdarda da T-jasuşalar bar ekenın tapty. Olar būl nätijenı qarsy-reaktivtılık qūbylysymen bailanystyrdy: virusqa jauap retınde damityn T jasuşalary ūqsas, bıraq būrynyraq basqa belgısız patogenge reaksiia jasaǧan kezde paida bolǧan.
Sarapşylar būl qarsy-reaktivtı T jasuşalary būryn suyq tiiudı tudyratyn virustyŋ äserınen bolǧan boluy mümkın dep sanaidy. Sondai-aq epidemiologtar keibır pasientterdıŋ jeŋıl, endı bırınıŋ qatty auyrǧanynyŋ sebebın de osy jasuşamen bailanystyrady.
SARS siiaqty basqa koronavirustardy zertteu barysynda alynǧan mälımetter T jasuşalarynyŋ ömır süru ūzaqtyǧy ondaǧan jyldar boluy mümkın ekenın körsetedı.
«Adyrna» ūlttyq portaly
