بۇگىن "الاش" پارتياسى جەتەكشىلەرىنىڭ ءبىرى ءالىمحان ەرمەكوۆتىڭ قازاق جەرىنىڭ شەكاراسىن مويىنداتقانىنا 100 جىل تولدى. اتاۋلى كۇندە جۋرنالسيت رۇستەم اشەتاەۆ "جەر كودەكسىنىڭ" داۋلى ماسەلەسىنە ستراتەگيالىق جوسپار ۇسىندى.
بۇگىن قازاق ەلى شەكاراسىنىڭ ناقتىلانعانىنا – 100 جىل.
جەر كودەكسىنىڭ اش جەرلەرىنىڭ بەلگىلى ءبىر باپتارىنا جاريالانعان ماراتوري ۋاقىتىنىڭ بىتۋىنە ءبىر جارىم جىل قالعانى بارىمىزگە بەلگىلى.
وسى ۋاقىتقا دەيىن ماراتوريدا كورسەتىلگەن باپتارعا حالىقتىڭ تالابىنا ساي وزگەرىستەر ەنگىزۋ بويىنشا ماردىمدى ەشقانداي جۇمىستار اتقارىلعان جوق.
ناتيجەسىندە، كۇن وتكەن سايىن اعايىننىڭ الاڭداۋشىلىعى ارتۋدا.
ءدال وسىلاي كەتە بەرسە، مۇنىڭ سوڭى نە بولماق؟
ەندىگى قالعان ۋاقىتتا نە ىستەۋگە بولادى؟
كەز-كەلگەن زاڭ پارلامەنتتە قارالۋى ءۇشىن، الدىمەن پارلامەنتتە قارالاتىن زاڭداردىڭ كۇن تارتىبىنە ەنگىزىلىپ، پارلامەنت وتىرىسىندا تالقىلاناتىن كۇنى بەگىلەنەدى.
سودان كەيىن، سول زاڭنىڭ جوباسىن ازىرلەۋگە ءتيىستى مينيستىرلىككە جولدانادى.
ءوز كەزەگىندە، مينيستىرلىك سول زاڭدى زەرتتەپ، بەلگىلەنگەن ۋاقىت ارالىعىندا دايىنداپ شىعىپ، پارلامەنتكە ۇسىنادى. ارى قاراي ساتىلاپ پرەزيدەنتتىڭ الدىنا بارادى.
مۇنىڭ ءبارى ءبىر جارىم-ەكى جىلدىق شارۋا.
ال، بىزدە قانشا ۋاقىت قالدى؟
مىنەكەي!
ءدال بۇگىن بىزدەردىڭ بولاشاقتا ساتىلاپ اتقارۋىمىز كەرەك جۇمىستارىمىزدىڭ، ستراتەگيالىق جوسپارىن قۇرىپ الۋدىڭ ماڭىزى وتە جوعارى.
سودان كەيىن، سول جولمەن ىنتىماقتاسا ءجۇرىپ ءوتۋىمىز كەرەك بولادى.
وسى سۇراقتار بويىنشا تومەندەگىدەي ستراتەگيالىق قادامداردى ۇسىنامىن.
1) جەر كودەكسىنىڭ موراتوريدا تۇرعان باپتارىن، پارلامەنتتىڭ الداعى جۇمىس جوسپارىنا ەنگىزىلۋىنە ىقپال جاساۋ.
2) وسى باپتاردىڭ پارلامەنتتە قارالاتىن كۇنى ناقتىلانىپ، زاڭ جوباسىن ازىرلەۋگە اشم-نە تاپسىرىلعان كۇننەن باستاپ، قوعام بەلسەندىلەرى اشم-مەن بىرىككەن كوميسسياسىن قۇرۋعا ىقپال جاساۋ.
3) بىرىككەن كوميسسيانىڭ وڭىرلەردە شتابى اشىلىپ، وزدەرىنىڭ ۇسىنىستارىن جوعارىداعى جۇمىسشى توبىنا جەتكىزىپ وتىرۋ.
4) باق قۇرالدارىنان جەر قوزعالىسىنا ارنالعان تۇراقتى ايدار اشۋ ارقىلى، ءاربىر ءىس-قيمىلىن جاريالاپ وتىرۋ.
رۇستەم اشەتاەۆ
