الماتىلىق تۇرعىن الەۋمەتتىك جەلىلەردىڭ بىرىندە ناۋاي كوشەسىندەگى ءبىر تۇرعىنۇيدىڭ پاتەرىندە وبا اۋرۋىمەن اۋىراتىن ادامدار بارى تۋرالى جازعان دەپ حابارلايدى Nur.kz. بۇل تۋرالى دارىگەرلەرگە حابارلاماق بولعان ول: «اقپاراتتى قابىلداعان ديسپەتچەرلەر قولدارىنان ەشتەڭە كەلمەيتىنىن ايتىپ، ساتتىلىك تىلەدى دە، تەلەفون تۇتقاسىن قويا سالدى» دەپ جازادى.
دارىگەرلەر تاراپىنان ءتيىستى ارەكەت بولماعان سوڭ، الماتىلىق كەلىنشەك الگى اتى جامان ىندەتكە شالدىققانداردىڭ قاي پاتەردە ەكەنىن انىقتاماققا ءوزى كىرىسەدى. الايدا ونىڭ قاققان دابىلى جالعان بولىپ شىعادى. قىزمەت كورسەتۋ جانە تاۋار ساپاسىن باقىلاۋ كوميتەتىنىڭ وكىلدەرى ايتىلعان مەكەنجاي بويىنشا تەكسرەۋ جۇرگىزىپ، ەشقانداي دا وبا اۋرۋىمەن ەشكىم اۋىرىپ جاتپاعانىن انىقتادى. جۇرتتى دۇرلىكتىرگەن اقپاراتتىڭ شىعۋىنا ورىس ءتىلىن تۇسىنبەگەن پودەزد تازالىقشىسى سەبەپ بولعان.
29 تامىزدا قۇرىلىس قوقىستارىن جيناۋعا كوتەرىلگەن تازالىقشىنى پودەزگە جىبەرمەي: «ۋ مەنيا وبا رەبەنكا بولەيۋت» دەگەن كەلىنشەكتىڭ ءسوزىن دۇرىس تۇسىنبەگەن تازالىقشى «وبا» ءسوزىن وزىنشە قابىلداپ، دابىل قاققان ەكەن.
