بۇل اتا-انالاردىڭ قامقورلىعىنان ايرىلعان جانە جەتىم بالالارعا كومەك كورسەتەتىن دۇنيەجۇزىلىك قاۋىمداستىقتىڭ باستاماسى بويىنشا العاش رەت 1988 جىلى اتالىپ وتكەن. بۇل كۇنى سوعىس ويىنشىقتارىن تاتتىلەرگە جانە جۇمساق ويىنشىقتارعا اۋىستىراتىن بولعان.
يدەيا «الەمدەگى اتا-اناسىنىڭ قامقورىنسىز قالعان جەتىم بالالاردى قورعاۋ» ۇيىمىنا تيەسلى. ەڭ العاش 1987 جىلى قىركۇيەكتە اتاپ ءوتۋ باستاماسىن كوتەرگەن. باستامالارى قولداۋ تاۋىپ، كەلەسى جىلى جۇزەگە اسادى.
پسيحولوگتاردىڭ ايتۋىنشا، سوعىس ويىنشىقتارى ياعني مىلتىق تاعى دا باسقا قارۋ تۇرلەرى بالانىڭ فيزيكالىق دەنساۋلىعىنا زيان دەيدى. سونىمەن قاتار بالا كىشكەنتايىنان ويىنشىق وينايدى. سول ۋاقىتتان باستاپ مىلتىقتىڭ سۋىق قارۋ ەكەنىن بىلە تۇرا، ءبىر-ءبىرىن پيستولەتپەن قورقىتىپ، ءبىر-بىرىنە قارۋ كەزەنەدى. ال بۇل بالانى جاستايىنان قاتىگەزدىككە ۇيرەتىپ، پسيحياسىنا ەداۋىر زيانىن تيگىزەدى.
قازىرگى بەيبىت زاماندا وسىنداي بالا دەنساۋلىعى مەن پسيحيكاسىنا اسەر ەتەتىن زياندى ويىنشىقتار ءالى دە ساۋدالانىپ، اتا-انالار تاراپىنان ەشقانداي قارسىلىق كورمەي كەلەدى. بالاردىڭ دا اۋلادا ءبىر-بىرىنە مىلتىق كەزەپ، بءىرىن-ءبىرى قورقىتاتىندىعىءبىز ءۇشىن قالىپتى جاعداي.
كەيدە قازىرگى بالالار تىم قاتىگەز جانە اگرەسسيۆتى دەپ بار كىنانى گادجەت پەن الەۋمەتتىك جەلىلەرگە جابا سالامىز. كىنانىڭ ءتۇپ توركىنى وزىمىزدە ەكەنىن، ياعني كىشكەنتاي كەزىندە دۇرىس ويىنشىق الىپ بەرمەگەندىگىمىزدە ەكەنىن قاشان تۇسىنەر ەكەنبىز؟
لاۋرا تۇرسىنجان،
“ادىرنا” ۇلتتىق پورتالى
