اقش پەن ۇلىبريتانيا عالىمدارى شولپان عالامشارىندا ءومىردىڭ بەلگىلەرى بولۋى مۇمكىن دەپ سانايدى. ولار پلانەتانىڭ اتموسفەراسىندا فوسفين تاپتى، دەپ حابارلايدى Stan.kz اقپارات اگەنتىگى.
"بۇل جاڭالىق گاۆايدەگى دجەيمس كلارك ماكسۆەلل تەلەسكوپىمەن جانە چيليدەگى ميلليمەترلىك دياپازونداعى اتاكاما ۇلكەن انتەننا تورىمەن جاسالدى. فوسفين بولشەكتەرىنىڭ كونتسەنتراتسياسى ميللياردقا 20-نى قۇرادى", - دەيدى زەرتتەۋمەن تانىس دەرەككوز.
فوسفين - ءتۇسسىز، وتە ۋلى گاز. جەردە ونى وتتەگىن قاجەت ەتپەيتىن اناەروبتى ميكروورگانيزمدەر شىعارادى. 2019 جىلى ەكزوپلانەتالار (باسقا جۇلدىزداردىڭ اينالاسىنداعى پلانەتالار) اتموسفەراسىندا ءفوسفيندى ىزدەۋ ولارداعى ءومىردىڭ مۇمكىندىگىنىڭ بەلگىسى رەتىندە ۇسىنىلدى.
عالىمدار وسى ۋاقىتقا دەيىن ءفوسفيننىڭ بيولوگيالىق ەمەس شىعۋ جولدارىن تابا الماعاندىعىن ەسكەرسەك، كۇن جۇيەسىندەگى ەكىنشى پلانەتادا ءومىر بولۋى مۇمكىن.
ماماندار جاقىن ارادا ءباسپاسوز ءماسليحاتىندا رەسمي اقپارات بەرۋگە ۋادە بەردى، سودان كەيىن Nature جۋرنالىندا جاريالانىم پايدا بولادى.
