لوتورەيا ويناتقان ەرنار ايدار وزىنە سەنگەندەردىڭ اقشاسىن قايتارمايتىن بولدى

1110

ەسترادا ءانشىسى ەرنار ايدار لوتورەيا ويىنىنا قاتىسىپ، الدانىپ قالعاندارعا اقشاسىن نەگە قايتارا المايتىنىن ايتتى. ول بۇعان دەيىن لوتورەيا ويناتىپ جاتقان جەرىنەن قولعا تۇسكەن ەدى. وسى وقيعادان سوڭ ءانشى سەرىكتەستەرىمەن (لوتارەيا ويناتۋشىلارمەن - اۆت.) بىرگە تەرگەۋگە الىندى. قازىر ول تەرگەۋگە تەك كۋاگەر رەتىندە عانا قاتىسىپ جاتقانىن ايتىپ وتىر.

الماتى قالاسى ەكونوميكالىق تەرگەۋ دەپارتامەنتى تەرگەۋدى باستاعان كەزدە: "بۇل توپ 2020 جىلدىڭ 23 اقپان مەن 23 ءساۋىر ارالىعىندا وتە قىمبات ۇتىس سىيلىقتارىن -  4 اۆتوكولىك (2 سەدان جانە 2 دجيپ) پەن الماتى قالاسىندا ءبىر بولمەلى پاتەر جانە باسقا دا تۇرمىستىق تەحنيكانى ويناتپاق بولىپ، جالعان لوتەرەيا ويىنىن ۇيىمداستىرعان. الايدا، جوعارىدا كورسەتىلگەن قۇندى سىيلىقتار بولماعان. ولار لوتەرەيا ويىنىنا قاتىسۋشىلاردى سەندىرۋ ءۇشىن 4 اۆتوكولىكتى باسقا جەكە تۇلعالاردان جالعا العاندىعى انىقتالدى", - دەگەن حابار تاراتتى. 

ەرنار ايداردىڭ الدانىپ  قالعان حالىققا ينستاگرام ارقىلى ارناعان ءسوزى.

"اسسالاۋماعالايكۋم بارشاڭىزعا!
قۇرمەتتى لوتەرەيا ويىنىنا قاتىسىپ الدانىپ قالعان اعايىن.
مەن سىزدەردى جاقسى تۇسىنەمىن، سىزدەر ماعان سەنىپ لوتورەيا بيلەتىن ساتىپ الدىڭىزدار (ول ءۇشىن باسىمدى ءيىپ كەشىرىم سۇرايمىن), ءدال سىزدەردەي مەن دە ويىن ۇيىمداستىرۋشىلارىنا سەنىپ الدانىپ وتىرمىن.
اللا ءبارىن كورىپ تۇرعوي، وسى ويىنعا قاتىستى مەندە تيتتەي دە بولسىن ارام وي بولعان ەمەس، سول سەبەپتى ماعان دا تۇسىنىستىكپەن قاراۋلارىڭىزدى ءوتىنىپ سۇرايمىن.
قازىردە @der_almaty (الماتى قالاسى بويىنشا ەكونوميكالىق تەرگەۋ دەپارتامەنتىندە) تەرگەۋ جۇمىستارى ءجۇرىپ جاتىر.
مەن ەشقايدا قاشىپ جۇرگەن جوقپىن.
سول تەرگەۋ جۇمىستارىنا كۋاگەر رەتىندە بار شىندىقتى ايتىپ، تەرگەۋدىڭ اياقتالۋىن كۇتىپ ءجۇرمىن.
قۇرمەتتى اعايىن سىزدەر ساتىپ العان بيلەتتىڭ اقشاسىنا كەلەر بولساق، ول اقشانىڭ ءبىر تەڭگەسى دە مەندە ەمەس، سىزدەرگە بيلەتتى ساتىپ اقشاسىن العان سول ويىننىڭ ۇيىمداستىرۋشىلارى وسپانوۆ ازات، تەمىربەك ەرنار، قازىردە وسى ۇيىمداستىرۋشىلارعا تەرگەۋ جۇمىستارى ءجۇرىپ جاتىر، ياعني سىزدەردىڭ اقشالارىڭىز سول ۇيىمداستىرۋشىلاردا. 👆
مەن تەك جارناما جاسادىم: ول ءۇشىن قاتتى وكىنەمىن 😢، سىزدەردەن شىن جۇرەگىممەن باسىمدى ءيىپ كەشىرىم سۇرايمىن 🙏.
"جارناما ءۇشىن العان اقشاڭدى حالىققا بەرمەيسىڭ با؟ قايرىمدىلىققا كومەكتەسپەيسىڭبا؟" دەپ سۇراپ جاتقان اعايىنعا ايتارىم.
-ءدال وسى جارناما جاساپ، العان اقشامنىڭ اتىنان مەن وزدىگىمشە ەشتەڭە ىستەي المايمىن، بارلىعىن زاڭ شەشەدى. تەرگەۋ ءبىتىپ، سوت قالاي شەشىم قابىلدايدى سولاي بولادى. زاڭ جۇزىندە جارناما ءۇشىن العان اقشاڭدى قايتار دەسە قايتارۋعا دايىنمىن.
زاڭ جۇزىندە جارناما ءۇشىن العان اقشا وزىڭدە قالادى دەپ شەشىم قابىلداسا، وندا اللا قالاسا، اللا رازىلىعى ءۇشىن مەن ول اقشانى قايرىمدىلىققا جۇمساۋعا دا دايىنمىن.
( الايدا، الدىن دا، قازىرگى تاڭدا دا ءوزىمنىڭ اتىمنان، وتباسىمنىڭ اتىنان، جاسىرىن دا، جاريا دا اللا رازىلىعى ءۇشىن، قولدان كەلگەنشە قايرىمدىلىق جاساپ ءجۇرمىز).
اق قاراسىن بىلمەي، ماعان قارعىس ايتىپ، جامان سوزدەر ايتىپ جاتقان اعايىن: "جۇيەلى قارعىس جۇيەسىن تابادى، جۇيەسىز قارعىس يەسىن تابادى". يا مەن ءسۇرىندىم. مۇمكىن سىزدەر ادامزاتتىڭ ەشقاشان سۇرىنبەيتىن تۇرىنەن شىعارسىزدار! مەندە ءوستىپ-ءوستىپ ءومىر ءسۇرۋدى ءبىر كۇندەرى ۇيرەنەرمىن. ۋاقىت تورەشى.
مەن سىزدەرگە تەك قانا جاقسىلىق تىلەيمىن!
تەرگەۋدىڭ اياقتالۋىن كۇتەيىك!".

ەسكە سالا كەتەيىك، لوتورەيا ويىنىن تەك ەرنار ايدار عانا ەمەس، قايرات نۇرتاس، بۇركىت، ءمادينا سادۋاقاسوۆا، نۇرلان ەسپانوۆ، ايقىن، ايگۇل يمانباەۆا، سيۆي ماحمۋدي، باعلان ءابدىرايىموۆ، قاراقات ءابىلدينالار دا وتكىزگەن.

 

جاسۇلان ءناۋرىزالى،

"ادىرنا" ۇلتتىق پورتالى 

پىكىرلەر
رەداكتسيا تاڭداۋى