Estrada änşısı Ernar Aidar lotoreia oiynyna qatysyp, aldanyp qalǧandarǧa aqşasyn nege qaitara almaitynyn aitty. Ol būǧan deiın lotoreia oinatyp jatqan jerınen qolǧa tüsken edı. Osy oqiǧadan soŋ änşı serıktesterımen (lotareia oinatuşylarmen - avt.) bırge tergeuge alyndy. Qazır ol tergeuge tek kuäger retınde ǧana qatysyp jatqanyn aityp otyr.
Almaty qalasy ekonomikalyq tergeu departamentı tergeudı bastaǧan kezde: "Būl top 2020 jyldyŋ 23 aqpan men 23 säuır aralyǧynda öte qymbat ūtys syilyqtaryn - 4 avtokölık (2 sedan jäne 2 djip) pen Almaty qalasynda bır bölmelı päter jäne basqa da tūrmystyq tehnikany oinatpaq bolyp, jalǧan lotereia oiynyn ūiymdastyrǧan. Alaida, joǧaryda körsetılgen qūndy syilyqtar bolmaǧan. Olar lotereia oiynyna qatysuşylardy sendıru üşın 4 avtokölıktı basqa jeke tūlǧalardan jalǧa alǧandyǧy anyqtaldy", - degen habar taratty.
Ernar Aidardyŋ aldanyp qalǧan halyqqa instagram arqyly arnaǧan sözı. "Assalaumaǧalaikum barşaŋyzǧa! Qūrmettı lotereia oiynyna qatysyp aldanyp qalǧan aǧaiyn. Men sızderdı jaqsy tüsınemın, sızder maǧan senıp lotoreia biletın satyp aldyŋyzdar (ol üşın basymdy iıp keşırım sūraimyn), Däl sızderdei men de oiyn ūiymdastyruşylaryna senıp aldanyp otyrmyn. Alla bärın körıp tūrǧoi, osy oiynǧa qatysty mende tittei de bolsyn aram oi bolǧan emes, sol sebeptı maǧan da tüsınıstıkpen qaraularyŋyzdy ötınıp sūraimyn. Qazırde @der_almaty (Almaty Qalasy Boiynşa Ekonomikalyq Tergeu Departamentınde) tergeu jūmystary jürıp jatyr. Men eşqaida qaşyp jürgen joqpyn. Sol tergeu jūmystaryna kuäger retınde bar şyndyqty aityp, tergeudıŋ aiaqtaluyn kütıp jürmın. Qūrmettı aǧaiyn sızder satyp alǧan bilettıŋ aqşasyna keler bolsaq, ol aqşanyŋ bır teŋgesı de mende emes, sızderge bilettı satyp aqşasyn alǧan sol oiynnyŋ ūiymdastyruşylary Ospanov Azat, Temırbek Ernar, qazırde osy ūiymdastyruşylarǧa tergeu jūmystary jürıp jatyr, iaǧni sızderdıŋ aqşalaryŋyz sol ūiymdastyruşylarda. 👆 Men tek jarnama jasadym: ol üşın qatty ökınemın 😢, sızderden şyn jüregımmen basymdy iıp keşırım sūraimyn 🙏. "Jarnama üşın alǧan aqşaŋdy halyqqa bermeisıŋ ba? Qairymdylyqqa kömektespeisıŋba?" dep sūrap jatqan aǧaiynǧa aitarym. -Däl osy jarnama jasap, alǧan aqşamnyŋ atynan men özdıgımşe eşteŋe ıstei almaimyn, barlyǧyn zaŋ şeşedı. Tergeu bıtıp, sot qalai şeşım qabyldaidy solai bolady. Zaŋ jüzınde jarnama üşın alǧan aqşaŋdy qaitar dese qaitaruǧa daiynmyn. Zaŋ jüzınde jarnama üşın alǧan aqşa özıŋde qalady dep şeşım qabyldasa, onda Alla qalasa, Alla razylyǧy üşın men ol aqşany qairymdylyqqa jūmsauǧa da daiynmyn. ( Alaida, aldyn da, qazırgı taŋda da özımnıŋ atymnan, otbasymnyŋ atynan, jasyryn da, jariia da Alla razylyǧy üşın, qoldan kelgenşe qairymdylyq jasap jürmız). Aq qarasyn bılmei, maǧan qarǧys aityp, jaman sözder aityp jatqan aǧaiyn: "Jüielı qarǧys jüiesın tabady, jüiesız qarǧys iesın tabady". İia men sürındım. Mümkın sızder adamzattyŋ eşqaşan sürınbeitın türınen şyǧarsyzdar! Mende östıp-östıp ömır sürudı bır künderı üirenermın. Uaqyt töreşı. Men sızderge tek qana jaqsylyq tıleimın! Tergeudıŋ aiaqtaluyn küteiık!".Eske sala keteiık, lotoreia oiynyn tek Ernar Aidar ǧana emes, Qairat Nūrtas, Bürkıt, Mädina Saduaqasova, Nūrlan Espanov, Aiqyn, Aigül İmanbaeva, Sivi Mahmudi, Baǧlan Äbdıraiymov, Qaraqat Äbıldinalar da ötkızgen.
Jasūlan Nauryzälı,
"Adyrna" ūlttyq portaly
