شىمكەنت قالاسىنىڭ تابيعي گاز كوزدەرىنىڭ قۋاتتىلىعى اگرس-1, اگرس-4 «شىمكەنت» 180 000 م3/ساع قۇرايدى. ال بۇگىنگى تاڭداعى قالانىڭ قاجەتتىلىگى — 250 000 م3/ساع قۇراپ وتىر. جىلىتۋ ماۋسىمى باستالعان كەزدە قولدانىستاعى اۆتوماتتاندىرىلعان گاز تاراتۋشى ستانتسيالارى 100% جۇمىس اتقارۋدا.
شىمكەتتە كوممۋنالدى-تۇرمىستىق تۇتىنۋشىلاردىڭ كوبەيۋىنە بايلانىستى قىستا تابيعي گازبەن قامتاماسىز ەتۋ بويىنشا ماسەلە تۋىندايدى. سوندىقتان، قالاداعى كوگىلدىر وتىنمەن قامتاماسىز ەتۋ كولەمىن ودان ءارى ارتتىرۋ ءۇشىن اگرس-3 نىسانىن سالۋعا شەشىم قابىلدانعان بولاتىن. ناتيجەسىندە 92,1% تابيعي گازبەن قامتىلعان قالا تۇرعىندارىنىڭ سانى 100 پروتسەنتكە جەتەتىن بولادى.
بۇگىنگى كۇنى «StroyGazCompany» جشس «اۆتوماتتاندىرىلعان گاز تاراتۋ ستانتسياسى (اگرس-3) وتكىزۋ قابىلەتى 250000 م3 /ساع بولاتىن وبەكتىنىڭ قۇرىلىس جۇمىستارىن جۇرگىزۋدە.
اگرس-3, ماگيسترالدى قايناربۇلاق جانە اسار-2, التىنتوبە شاعىن اۋدانى، دوستىق شاعىن اۋدانى مەن بادام (195 ورام), اسار-2, ازات شاعىن اۋداندارىندا بارلىعى 8 نىساننىڭ قۇرىلىس جۇمىستارى جۇرگىزىلىپ جاتىر. بۇل جونىندە ەنەرگەتيكا جانە كوممۋنالدىق شارۋاشىلىق باسقارماسىنىڭ ماماندارى حابارلادى.
اگرس-3 نىسانى جىل سوڭىنا دەيىن ىسكە قوسىلىپ، تۇرعىنداردى ساپالى جانە ۇزدىكسىز تابيعي گازبەن قامتاماسىز ەتىلەتىن بولادى.
شىمكەنت قالاسى اكىمىنىڭ ءباسپاسوز قىزمەتى
