دارىگەرلەر حالىقتى سانيتارلىق تالاپتاردى ساقتاۋعا شاقىردى

373

كورونوۆيرۋس ىندەتىنىڭ ءبىرىنشى تولقىنىندا قىزمەت ەتكەن دارىگەرلەر حالىقتى سانيتارلىق تالاپتاردى ساقتاپ جۇرۋگە شاقىردى دەپ حابارلايدى “ادىرنا” ۇلتتىق پورتالى.  وتباسىنان جىراقتا ءجۇرىپ، ءوز ءومىرىن قاتەرگە تىگىا حالىققا قىزمەت ەتكەن اق حالاتتى ابزال جاندار ىندەتتىڭ ءبىرىنشى تولقىنىنىڭ وڭاي وتپەگەندىگىن ايتا وتىرىپ، ول كەزەڭدەردىڭ كەلمەسكە كەتكەنىن تىلەپ وتىر.

ءجاميليا بەيسەباەۆا، ۋچاسكەلىك پەدياتر:

پاندەميانىڭ ءبىرىنشى تولقىنىندا كۇنى-ءتۇنى كەزەكشىلىكتە بولىپ، وتباسىمدى كورمەستەن قىزمەت ەتتىم. ءوزىم دە، وزگە دارىگەرلەردە جۇمىس بارىسىندا وزدەرى دە اۋىرىپ، الەم اۋىر كەزەڭدى باستان كەشىردى. دارىگەرلەرلىڭ جەتىسپەۋشىلىگى، ءوز ارامىزدا اۋرۋ پايدا بولۋى ءبىزدى ەسەڭگىرەتىپ جىبەردى. كورونوۆيرۋستىڭ ءبىرىنشى تولقىنى از عانا ۋاقىت ىشىندە قانشا ما ادامدى جالمادى. بۇنداي ىندەت بۇرىن سوڭدى الەمدە بولماعان.

قازىر ماۋسىمدىق تۇماۋ كەزەڭى. بولجانىپ وتىرعان كوروناۆيرۋس ىندەتىنىڭ ەكىنشى تولقىنى كەلىپ وتىر. ءبىرىنشى تولقىنىندا ۇلكەن، قارت كىسىلەر ءۇشىن ۋايىمداساق، ەكىنشى تولقىن بالالار ءۇشىن دە اسا قاۋىپتى. سول سەبەپتى دە سىزدەردىڭ اقىلعا كەلۋلەرىڭىزدى سۇرايمىن. بارىنشا ساقتانىپ، توزىمدىلىك تانىتايىق. ۆيرۋس كەتكەن جوق، ۆيرۋس ارامىزدا.

الەم بولىپ پاندەميانىڭ ءبىرىنشى تولقىنىن باستان وتكىزدىك. ءبىرىنشى تولقىن كەزىندە بارشا دارىگەرلەر ءوز قىزمەتتەرىن مۇلتىكسىز اتقارىپ، كۇنى-ءتۇنى حالىققا كومەك كورسەتتى. ورتا جانە كىشى مەديتسينا پەرسونالدارى جەتىسپەي، قانشا ما قىزمەتكەرلەر مەن وتانداستارىمىز كوز جۇمدى. كوزىمىز كورگەندەي ىندەتتىڭ ءبىرىنشى كەزەڭى وڭايعا سوقپاي، قانشا ما ادامدى قىردى. ءدال وسى بولعان وقيعا بىزگە ساباق بولىپ، الداعى ەكىنشى تولقىندا ول قاتەلىكتەردى جىبەرمەۋ ءسىز بەن ءبىزدىڭ ءومىرىمىز ءۇشىن ماڭىزدى. قازىر ەلىمىزدە  ماۋسىمدىق تۇماۋ ءجۇرىپ جاتىر. ال الەم ەلدەرىندە كوروناۆيرۋس ىندەتىنىڭ ەكىنشى تولقىنى باستالىپ تا كەتتى. سوندىقتان، بارلىق سانيتارلىق تالاپتاردى ورىنداۋ، (قولدى ءجيى-ءجيى جۋ، سانيتايزەرلەر مەن انتيسەپتيكتەردى قولدانۋ، الەۋمەتتىك اراقاشىقتىقتى ساقتاۋ، ماسكا تاعىپ، ونى ءجيى اۋىستىرىپ وتىرۋ، قاجەت بولماعان جاعدايدا ادام كوپ شوعىرلاناتىن ورىنداردا بولماۋ). ءوزىمىزدى جانە دە جاقىندارىمىزدى وسى  قاراپايىم سانيتارلىق تالاپتاردى ورىنداي وتىرىپ قانا ساقتاي الامىز. ءوز ءومىرىمىز ءوز قولىمىزدا ەكەنىن ءبىر ەلى ەستە شىعارماي، جاقىنىمىزعا دا زيان تيگىزىپ الۋدان ساقتانايىق.

 

“ادىرنا” ۇلتتىق  پورتالى

پىكىرلەر
رەداكتسيا تاڭداۋى