Koronovırýs indetiniń birinshi tolqynynda qyzmet etken dárigerler halyqty sanıtarlyq talaptardy saqtap júrýge shaqyrdy dep habarlaıdy “Adyrna” ulttyq portaly. Otbasynan jyraqta júrip, óz ómirin qaterge tigia halyqqa qyzmet etken aq halatty abzal jandar indettiń birinshi tolqynynyń ońaı ótpegendigin aıta otyryp, ol kezeńderdiń kelmeske ketkenin tilep otyr.
Jámılıa Beısebaeva, ýchaskelik pedıatr:
Pandemııanyń birinshi tolqynynda kúni-túni kezekshilikte bolyp, otbasymdy kórmesten qyzmet ettim. Ózim de, ózge dárigerlerde jumys barysynda ózderi de aýyryp, álem aýyr kezeńdi bastan keshirdi. Dárigerlerliń jetispeýshiligi, óz aramyzda aýrý paıda bolýy bizdi eseńgiretip jiberdi. Koronovırýstyń birinshi tolqyny az ǵana ýaqyt ishinde qansha ma adamdy jalmady. Bundaı indet buryn sońdy álemde bolmaǵan.
Qazir maýsymdyq tumaý kezeńi. Boljanyp otyrǵan koronavırýs indetiniń ekinshi tolqyny kelip otyr. Birinshi tolqynynda úlken, qart kisiler úshin ýaıymdasaq, ekinshi tolqyn balalar úshin de asa qaýipti. Sol sebepti de sizderdiń aqylǵa kelýlerińizdi suraımyn. Barynsha saqtanyp, tózimdilik tanytaıyq. Vırýs ketken joq, vırýs aramyzda.
Álem bolyp pandemııanyń birinshi tolqynyn bastan ótkizdik. Birinshi tolqyn kezinde barsha dárigerler óz qyzmetterin múltiksiz atqaryp, kúni-túni halyqqa kómek kórsetti. Orta jáne kishi medıına personaldary jetispeı, qansha ma qyzmetkerler men Otandastarymyz kóz jumdy. Kózimiz kórgendeı indettiń birinshi kezeńi ońaıǵa soqpaı, qansha ma adamdy qyrdy. Dál osy bolǵan oqıǵa bizge sabaq bolyp, aldaǵy ekinshi tolqynda ol qatelikterdi jibermeý siz ben bizdiń ómirimiz úshin mańyzdy. Qazir elimizde maýsymdyq tumaý júrip jatyr. Al álem elderinde koronavırýs indetiniń ekinshi tolqyny bastalyp ta ketti. Sondyqtan, barlyq sanıtarlyq talaptardy oryndaý, (qoldy jıi-jıi jýý, sanıtaızerler men antıseptıkterdi qoldaný, áleýmettik araqashyqtyqty saqtaý, maska taǵyp, ony jıi aýystyryp otyrý, qajet bolmaǵan jaǵdaıda adam kóp shoǵyrlanatyn oryndarda bolmaý). Ózimizdi jáne de jaqyndarymyzdy osy qarapaıym sanıtarlyq talaptardy oryndaı otyryp qana saqtaı alamyz. Óz ómirimiz óz qolymyzda ekenin bir eli este shyǵarmaı, jaqynymyzǵa da zııan tıgizip alýdan saqtanaıyq.
“Adyrna” ulttyq portaly
