شىمكەنت قالاسىندا مەملەكەتتىك ءتىلدىڭ مارتەبەسىن كوتەرۋ ماقساتىندا «ءساتتى جارناما» اكتسياسى ۇيىمداستىرىلدى. اكتسيانىڭ نەگىزگى ماقساتى - قالا اۋماعىنداعى ماڭدايشا جانە سىرتقى كورنەكى جارناما ماتىندەرىن «قازاقستان رەسپۋبليكاسىنداعى ءتىل تۋرالى»، «جارناما تۋرالى» قر زاڭدارىنىڭ تالاپتارىنا سايكەس رەتكە كەلتىرۋ.
شىمكەنت قالاسىنىڭ مادەنيەت، تىلدەردى دامىتۋ جانە ارحيۆتەر باسقارماسىنىڭ ۇيىمداستىرۋىمەن وتكەن شاراعا اۋدان اكىمدىكتەرىنىڭ، ساۋلەت، قالا قۇرىلىسى جانە جەر قاتىناستارى باسقارماسىنىڭ، ىشكى ساۋدا جانە مونيتورينگى ءبولىمى، تىلدەردى وقىتۋ-ادىستەمەلىك ورتالىعىنىڭ قىزمەتكەرلەرى قاتىستى.
اكتسيا بارىسىندا تاۋكە حان داڭعىلى، ج. ايماۋىتوۆ، سايرام، ەلشىبەك باتىر، ش. ۋاليحانوۆ كوشەلەرىندەگى جالپى 542 كوممەرتسيالىق نىسان تەكسەرىلدى. زاڭ تالاپتارىنا قايشى ورنالاستىرعان 80 جارناما بويىنشا كاسىپكەرلەرگە ءتۇسىندىرۋ جۇمىستارى جۇرگىزىلىپ، ادىستەمەلىك كومەك رەتىندە كىتاپشالار تاراتىلدى.
باسقارما ماماندارىنىڭ ايتۋىنشا، بيىل 9 ايدا 2 مىڭعا جۋىق كوممەرتسيالىق نىسان تەكسەرىلىپ، زاڭ تالاپتارىنا قايشى ورنالاستىرعان 155 جارناما رەتكە كەلتىرىلگەن.
شىمكەنت قالاسى اكىمىنىڭ ءباسپاسوز قىزمەتى
