بۇل جونىندە بۇگىن اقپاراتتىق-كوممۋنيكاتسيالىق ورتالىقتا وتكەن بريفينگتە دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى تيميرحان ۆارزيلوۆ مالىمدەدى.
ونىڭ ايتۋىنشا، قالاداعى ەپيدەميالوگيالىق احۋال كۇننەن-كۇنگە جاقسارىپ، جۇقپالى اۋرۋعا شالدىققان ناۋقاستاردىڭ سانى ازايۋدا.
«شىمكەنت قالاسىندا COVID-19 ينفەكتسياسىمەن كۇرەسكە مەديتسينالىق ۇيىمداردا 26 پروۆيزورلىق ورىندار جۇمىس ىستەدى. بۇگىنگى كۇنى پروۆيزورلىق ورىنداردىڭ 19 پايىزى عانا جۇمىس جاساپ، 81 پايىز توسەك-ورىندار بوسادى» - دەپ حابارلادى ت.ۆازيلوۆ.
مەديتسينالىق مەكەمەلەر تامىزدان باستاپ قالىپتى جاعدايداعى جۇمىستارىن باستاعان. ياعني، ناۋقاستار جوسپارلى تۇردە ەم قابىلداۋىنا بولادى.
سونداي-اق، 11 تامىزداعى جاعداي بويىنشا قالادا كوروناۆيرۋس ينفەكتسياسىنا شالدىققان ناۋقاستار سانى – 5114, ونىڭ ىشىنە 2608 سيمپتومدى، 2506 سيمتومسىز. ىندەتىنەن ايىققاندار سانى 3865-كە جەتتى.
ايتا كەتۋ كەرەك، ەلدە جاريالانعان كارانتين وڭىردەگى ەپيدەميولوگيالىق احۋالدىڭ جاقسارۋىنا وڭ اسەرىن تيگىزدى
شىمكەنت قالاسى اكىمىنىڭ ءباسپاسوز قىزمەتى
