شىمكەنت قالاسىندا قاڭتار-ماۋسىم ايىندا ەڭبەك ينسپەكتسيا جانە كوشى-قون باسقارماسىنا 581 ازاماتتان ارىز-شاعىم كەلىپ تۇسكەن.
باسقارما ماماندارىنىڭ تەكسەرۋ جۇرگىزۋ ناتيجەسىندە 146 زاڭبۇزۋشىلىق انىقتالىپ، ونىڭ 96-ى جويىلدى. ولارعا 67 نۇسقاما بەرىلىپ، 1,8 ميلليون تەڭگەگە 22 اكىمشىلىك ايىپپۇل سالىنعان.
قازىرگى تاڭدا، 6 كاسىپورىندا 38 جۇمىسكەردىڭ جالاقى بويىنشا
3,8 ملن.تەڭگە بەرەشەگى بار ەكەنىن انىقتادى. اتالعان مەكەمە جەتەكشىلەرىنە ۇيعارىمدار شىعارىپ، قارىزداردى وتەۋ بويىنشا ءتيىستى جۇمىستار جۇرگىزىپ جاتىر.
سونداي-اق، توتەنشە جاعداي كەزىندە اعىمداعى جىلدىڭ 16 ناۋرىزىنان باستاپ ازاماتتاردىڭ 121 ءوتىنىشى قارالعان، ونىڭ ىشىندە ەڭبەك قاتىناسى - 85, ەڭبەك قاۋىپسىزدىگى جانە ەڭبەكتى قورعاۋ - 30, حالىقتى جۇمىسپەن قامتۋ بويىنشا – 6.
سونىمەن قاتار، قالا اكىمدىگىنىڭ تاۋلىك بويى قىزمەت كورسەتەتىن بىرىڭعاي بايلانىس (cاll-center) ورتالىعىنا 425 جەكە جانە زاڭدى تۇلعالاردان قوڭىراۋلار كەلىپ تۇسكەن. ولاردىڭ ءبىرى ەڭبەك دەمالىسىنا شىعۋعا ءماجبۇر ەتۋ، قىسقارتۋلار جونىندە ساۋال قويسا، كەيبىرى جۇمىستان بوساتۋ سىندى ماسەلەلەرىمەن حابارلاسقان.
ودان وزگە باسقارما مالىمەتىنە سايكەس، حالىق پەن بيلىك اراسىنداعى اشىقتىقتى ساقتاۋ ماقساتىندا باسقارما باسشىسىمەن بۇگىنگى كۇنگە دەيىن الەۋمەتتىك جەلىلەردە 27 تىكەلەي ەفير وتكەن. وندا ءۇش جۇزدەن اسا وقىرمان ءوز سۇراقتارىنا جاۋاپ العان.
شىمكەنت قالاسى اكىمىنىڭ ءباسپاسوز قىزمەتى
