قىرعىزدار قازاقستانعا زاڭسىز وتپەك بولعان، دەپ حابارلايدى «ادىرنا» ۇلتتىق پورتالى قر ۇقك ءباسپاسوز قىزمەتىنە سىلتەمە جاساپ.
2020 جىلعى 15 قازاندا شەكارا قىزمەتىنىڭ جامبىل وبلىسى بويىنشا دەپارتامەنتى («قاراسۋ» وتكىزۋ پۋنكتى) قر مەملەكەتتىك شەكاراسىن زاڭسىز كەسىپ ءوتۋ ارەكەتىن بولدىرمادى. شەكارا ناريادى «مەرسەدەس-بەنتس» اۆتوماشيناسىن تەكسەرۋ بارىسىندا اۆتوماشينانىڭ سالونىنان تولقۇجاتتىق باقىلاۋدان جاسىرىنعان جانە شەكارانى تىركەۋسىز كەسىپ وتۋگە تىرىسقان قىرعىز رەسپۋبليكاسىنىڭ 6 ازاماتىن تاپتى.
اۆتوماشينا جۇرگىزۋشىسى مەن قىرعىزستاننىڭ 6 ازاماتى ۇستالىپ، قازاقستان رەسپۋبليكاسىنىڭ مەملەكەتتىك شەكاراسىن زاڭسىز كەسىپ وتۋگە ارەكەت جاساعانى ءۇشىن قىلمىستىق ءىس قوزعالدى.
«بۇل جىل باسىنان بەرى قولدانىستاعى كارانتيندىك شەكتەۋلەر جاعدايىندا شەكارا قىزمەتىنىڭ اسكەري قىزمەتشىلەرى توقتاتقان شەكارانى زاڭسىز كەسىپ ءوتۋدىڭ العاشقى ارەكەتى ەمەس ەكەنىن اتاپ ءوتۋ كەرەك»،-دەدى ءباسپاسوز قىزمەتى.
قالىپتاسقان جاعدايدى ەسكەرە وتىرىپ، شەكاراشىلار مەملەكەتتىك شەكارانى بۇزۋشىلاردى انىقتاۋ ماقساتىندا مەملەكەتتىك شەكاراداعى باقىلاۋ ءىس-شارالارىن كۇشەيتكەن.
«ادىرنا» ۇلتتىق پورتالى
