مۇحاممەد پايعامباردىڭ كاريكاتۋراسىن كورسەتكەنى ءۇشىن مۇعالىمنىڭ باسىن العان

6322
Adyrna.kz Telegram

16 قازان كۇنى كەشكە پاريج ماڭىندا مەكتەپ مۇعالىمىنىڭ باسى كەسىلدى. پروكۋرورلاردىڭ ايتۋىنشا، ماسكەۋدە تۋىلعان 18 جاستاعى جىگىت شابۋىل جاساعان، - دەپ حابارلايدى «ادىرنا» ۇلتتىق پورتالىنىڭ ءتىلشىسى BBC News-ءتىڭ ورىس قىزمەتىنە سىلتەمە جاساپ.

فرانتسۋز بيلىگىنىڭ مالىمدەمەسىنە سايكەس، شابۋىلداۋشى ابدۋلاك ابۋەزيدۇلى ا. ەسىمدى ازامات. ول 2002 جىلى 12 ناۋرىزدا ماسكەۋدە دۇنيەگە كەلىپ، فرانتسيادا بوسقىن مارتەبەسىن العان.

فرانتسۋزدىق بۇقارالىق اقپارات قۇرالدارىنىڭ حابارلاۋىنشا، 47 جاستاعى مۇعالىم سەميۋەل پاتي وقۋشىلارعا ساباق بارىسىندا مۇحاممەد پايعامباردىڭ كاريكاتۋرالارىن كورسەتكەننەن كەيىن وعان قوقان-لوققى كورسەتىلە باستاعان. كاريكاتۋرانى ساباقتا كورسەتۋ بىرقاتار مۇسىلمان اتا-انالاردىڭ اشۋ-ىزاسىن تۋدىرىپ، ولار مۇعالىمنىڭ بۇل ارەكەتىن كۇپىرلىك دەپ ساناعان.

پوليتسيا تاراپقا جاسالعان شابۋىلدى تەراكت رەتىندە تەرگەپ جاتىر.

ايتا كەتەيىك, كىسى ولتىرۋگە بايلانىستى بيلىك داعدارىس ورتالىعىن قۇرعان. فرانتسيا پرەزيدەنتى ەممانۋەل ماكرون مۇعالىمنىڭ قايتىس بولعان جەرىنە دە بارعان. پرەزيدەنت شابۋىل بولعان جەردەگى سوزىندە: «بۇگىن ءبىزدىڭ ءبىر ازاماتىمىزدى ءولتىردى. ول وقۋشىلارعا ءسوز بوستاندىعى تۋرالى ۇيرەتكەنى ءۇشىن قۇربان بولدى»، - دەگەن.

بۇعان دەيىن ماروككوعا بارا جاتقان فرانتسيانىڭ ىشكى ىستەر ءمينيسترى دجەرالد دارمانەن جەدەل تۇردە قايتا پاريجگە ورالعان.

ءبىلىم ءمينيسترى جان-ميشەل بلانكە ءوز تۆيتتەرىندە: مۇعالىمدى ءولتىرۋ – بۇكىل فرانتسيا رەسپۋبليكاسىنا جاسالعان شابۋىل، – دەپ جازدى. بلانكە  وزىنىڭ جابىرلەنۋشىمەن جانە ونىڭ وتباسىمەن بىرگە ەكەنىن جانە يسلامدىق تەرروريزمگە قارسى ارەكەت تەك بىرلىك پەن بەرىك بولۋدا ەكەندىگىن اتاپ ءوتتى.

پاريجدە ۇلتتىق جينالىستىڭ دەپۋتاتتارى قايتىس بولعان مۇعالىمنىڭ رۋحىنا تاعزىم ەتۋ ءۇشىن ورىندارىنان تۇرىپ، جاعدايدى سۇمدىق تەرروريستىك شابۋىل دەپ جاريالادى.

 

فوتو اشىق دەرەككوزدەن الىندى 

«ادىرنا» ۇلتتىق پورتالى

پىكىرلەر