اقتوبە وبلىسىندا كوكجيدە كەن ورنىن ساقتاپ قالۋدىڭ ءتيىمدى شارالارى قابىلدانىپ جاتىر

2334
Adyrna.kz Telegram

وبلىس اكىمىنىڭ ورىنباسارى قايرات بەكەنوۆتىڭ توراعالىعىمەن وتكەن جيىنعا ەكولوگيا دەپارتامەنتىنىڭ، تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىلارى، جەر قويناۋىن پايدالانۋشىلار قاتىستى.

ء"بىزدىڭ الدىمىزداعى باستى مىندەت - "كوكجيدە" جەراستى سۋلارىنىڭ بىرەگەي كوزىن ساقتاپ قالۋ. وسىعان بايلانىستى وسى كەن ورنىندا جۇمىس ىستەپ جاتقان جەر قويناۋىن پايدالانۋشىلاردىڭ قىزمەتىنە تەكسەرۋ جۇرگىزىلىپ، زاڭ بۇزۋشىلىقتار انىقتالدى. ساراپتاما، تولىق بارلاۋ جۇرگىزەتىن،  ستراتەگيالىق ماڭىزى بار كەن ورنىنىڭ جاعدايىن زەرتتەيتىن ۆەدومستۆوارالىق جۇمىس توبى قۇرىلدى",- دەپ اتاپ ءوتتى قايرات بەكەنوۆ.

تابيعي رەسۋرستار جانە تابيعاتتى پايدالانۋ باسقارماسىنىڭ باسشىسى جاقسىعالي يمانقۇلوۆ قازىرگى تاڭدا كوكجيدەنىڭ قۇمدى القابىندا "سنپس-اقتوبەمۇنايگاز" اق، "كمك-مۇناي" اق جانە "فيرما ادا ويل" جشس جۇمىس ىستەپ جاتقاندارىن جەتكىزدى.

"كوكجيدەنىڭ قۇمدى القابىن ساقتاپ قالۋ ماقساتىندا "كوكجيدە-قۇمجارعان" قاۋمالى قۇرىلىپ، كوكجيدە كەن ورنى قورىن قايتا باعالاۋ جوباسىن جۇزەگە اسىرۋ باستالدى. ونىڭ مىندەتىنە قورلاردى بەكىتۋ، كەن ورنىنىڭ كونتۋرىن انىقتاۋ جانە جەر قويناۋىن پايدالانۋشىلاردىڭ جەراستى سۋلارىنا تەحنوگەندىك اسەرىن باعالاۋ كىرەدى",- دەدى جاقسىعالي يمانقۇلوۆ.

بىلتىر "كوكجيدە كەن ورنىنىڭ جەراستى سۋلارىنىڭ قورلارىن قايتا باعالاۋ ماقساتىندا تولىق بارلاۋ" جوباسىن جۇزەگە اسىرۋ باستالدى.

ءۇش جىلعا ەسەپتەلگەن جوبانىڭ قورىتىندىسى بويىنشا اقتوبە جانە اتىراۋ وبلىستارىنىڭ حالقىن ساپالى اۋىز سۋمەن قامتاماسىز ەتۋ ماقساتىندا  جەراستى سۋلارىنىڭ قورلارىن قايتا باعالاۋ جانە بەكىتۋ جۇرگىزىلىپ، كوكجيدە كەن ورنىنىڭ جەراستى سۋلارىنىڭ قورلارىن مەملەكەتتىك بالانسقا قويىلادى.

اتالمىش جۇمىستاردى جۇرگىزۋ قازىرگى جاعداي مەن بۇكىل كوكجيدە كەن ورنى رەسۋرستارىنىڭ پەرسپەكتيۆاسىن باعالاۋعا، ونىڭ گيدروەكولوگيالىق جاعدايى تۋرالى قورىتىندى جاساۋعا مۇمكىندىك بەرەدى.

وبلىس اكىمىنىڭ ورىنباسارى: ء"بىز مۇناي ءوندىرۋدى تومەندەتۋگە دايىنبىز، كەن ورنىن ساقتاپ قالۋعا باسىمدىق بەرىلەد. كومپانيالاردىڭ ۇنەمدەۋ ماقساتىندا قولدانىپ جاتقان تەحنولوگيالارى كەن ورنىنا كەرى اسەر ەتۋى مۇمكىن. بۇعان جول بەرە المايمىز. زاڭ بۇزۋشىلارعا قاتىستى ەڭ قاتاڭ شارالار قابىلداناتىن بولادى",- دەپ ەسكەرتتى.

پىكىرلەر