حرومتاۋ اۋدانىندا مەملەكەتتىك باعدارلامالاردىڭ ارقاسىندا ءىسىن دوڭگەلەتىپ وتىرعان كاسىپكەرلەر قاتارى ارتىپ كەلەدى. بيىلدىڭ وزىندە 200گە جۋىق ازامات “ەڭبەك” ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ” باعدارلاماسى اياسىندا گرانت پەن نەسيە العان. قازىر ولار سول قارجىعا ءوز بيزنەسىن اشىپ، ىستەرىن دوڭگەلەتىپ وتىر. ءبىرى قۇس وسىرسە، ەندى ءبىرى قوعام سۇرانىسىنا ساي بيزنەسپەن شۇعىلدانىپ ءجۇر.
21 قازان كۇنى اۋدانعا ارنايى كەلگەن "ەگەمەن قازاقستان" گازەتىنىڭ اقتوبە وبلىسى بويىنشا مەنشىكتى ءتىلشىسى، جۋرناليست بايان سارسەمبينا مەملەكەتتىك باعدارلامالاردىڭ بەرەكەسىن كورىپ وتىرعان اۋدان كاسىپكەرلەرىمەن كەزدەسىپ، جۇمىستارىمەن تانىستى.
2018 جىلى «بيزنەس باستاۋ» كۋرسىن ءتامامداپ، ءوز ءىسىن باستاعان ءۇشىنشى توپ مۇگەدەگى ۇلداي تەمىربەكوۆا ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى شەڭبەرىندە كۋليناريا ءىسىن اشۋ ءۇشىن 6 ملن تەڭگە كولەمىندە شاعىن نەسيە الىپ، 2 ادامدى جۇمىسپەن قامتىپ وتىر.
ءوز ءىسىن باستاۋدا مەملەكەتتىك باعدارلامانىڭ كومەگىنە جۇگىنگەن جانداردىڭ تاعى ءبىرى كوپ بالالى انا رىسجان كۋلەتەنوۆا. 2019 جىلى "بيزنەس باستاۋ" ارقىلى كاسىپكەرلىك نەگىزدەرىن وقىعان. قايتارىمسىز گرانت ۇتىپ، نەسىبەسىن مولايتقان كوپ بالالى انا شاشتاراز اشىپ، حالىققا قىزمەت كورسەتۋدە.
پروباتسيا قىزمەتىندە تىركەلگەن الەكساندر يۆاشەنكو دا بارشاعا ورتاق مەملەكەتتىك باعدارلامانىڭ بەرەكەتىن كورىپ وتىر. حالىققا قىزمەت كورسەتۋ ورتالىعىنا جۇمىسسىز رەتىندە تىركەلگەن ول "بيزنەس باستاۋ" جوباسى اياسىندا ونلاين كۋرستان ءوتىپ، قايتارىمسىز گرانتتى جەڭىپ العان. بۇگىندە سوعىلعان قاقپالاردى دايىندايتىن شەبەرحاناسىن اشىپ، ءوز ءىسىن جۇرگىزۋدە.
مەملەكەتتەن قولداۋ تاپقاندار قاتارى اۋىلدا دا جەتەرلىك. اۋىلداعى ىسكەر جاندارمەن تانىسۋعا ارنايى قۇدىقساي اۋىلىنا قاراستى ويسىلقارا ەلدى مەكەنىنە ات باسىن بۇرعان جۋرناليست بايان سارسەمبينا اۋىل شارۋاشىلىعىندا 34 جىلدان اسا ەڭبەك ەتكەن قاتيرا شاكيروۆامەن كەزدەستى. الدىمەن نازىك جاندى انانىڭ تۋعان كۇنىنە تاپ كەلگەن قۇتتى قوناق - بايان سارسەمبينا 72 جاسقا تولعان قاتيرا شاكيروۆاعا تارتۋ-تارالعىسىن ۇسىنىپ، قۇتتىقتاۋ لەبىزىن ءبىلدىردى.
قارت كاسىپكەر باسشىلىق ەتكەن «نۇر» شارۋا قوجالىعىنىڭ نەگىزى 2003 جىلى قالانعان. قازىرگى تاڭدا قوجالىقتا مىڭ باستاي اق باس ءىرى قارا مالى، مىڭ باستاي تسيگاي تۇقىمدى جانە دە جىلقى مالدارى باعىلادى.
بۇل سالانى وتباسىلىق بيزنەسكە اينالدىرعان شاكيروۆتار شاڭىراعى قوي ءجۇنىن وڭدەپ، ءتۇرلى بۇيىمدار جاساۋ ارقىلى كاسىپتىڭ كوكجيەگىن كەڭەيتكەن. ماسەلەن، تولقىن شاكيروۆا ارنايى تەحنيكامەن وڭدەلگەن قوي جۇنىنەن قىز جاساۋىن جاساپ، ءداستۇرلى ونەردى تابىس كوزىنە اينالدىرعان. اتا كاسىپتىڭ ءناسىبىن كورىپ وتىرعان ول الداعى ۋاقىتتا جۇننەن ءجىپ ءيىرىپ، ءتۇرلى بۇيىمدار جاساۋدى قولعا الماق.
- بيزنەس يدەيالاردى ىسكە اسىرۋ ءۇشىن «باستاۋ بيزنەس» كاسىپكەرلىك نەگىزدەرىنە وقۋعا 90 ادامعا جولداما بەرىلىپ، بارلىعى گرانتقا يە بولدى. 2020 جىلعا شاعىن نەسيەلەۋ بويىنشا 81 ادامعا 476 ملن. تەڭگە بەرۋ جوسپارلاندى. ونىڭ ىشىندە اۋىلعا 71 ادامعا 256 ملن. تەڭگە قارجى ءبولىنىپ، 66 ادامعا 332,6 ملن تەڭگە نەسيە بەرىلدى. قالاعا 10 جوباعا 220 ملن. تەڭگە قارجى ءبولىندى، بۋگىنگى كۇنگە 8 ادامعا 51 ملن تەڭگە نەسيە بەرىلدى. رەينۆەست بويىنشا 5 ادام- 25,5 ملن. تەڭگە الدى، -دەيدى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى ۇلان جانالين.
