Hromtau audanynda memlekettık baǧdarlamalardyŋ arqasynda ısın döŋgeletıp otyrǧan käsıpkerler qatary artyp keledı. Biyldyŋ özınde 200ge juyq azamat “Eŋbek” nätijelı jūmyspen qamtu jäne jappai käsıpkerlıktı damytu” baǧdarlamasy aiasynda grant pen nesie alǧan. Qazır olar sol qarjyǧa öz biznesın aşyp, ısterın döŋgeletıp otyr. Bırı qūs ösırse, endı bırı qoǧam sūranysyna sai biznespen şūǧyldanyp jür.
21 qazan künı audanǧa arnaiy kelgen "Egemen Qazaqstan" gazetınıŋ Aqtöbe oblysy boiynşa menşıktı tılşısı, jurnalist Baian Särsembina memlekettık baǧdarlamalardyŋ berekesın körıp otyrǧan audan käsıpkerlerımen kezdesıp, jümystarymen tanysty.
2018 jyly «Biznes bastau» kursyn tämamdap, öz ısın bastaǧan üşınşı top mügedegı Ūldai Temırbekova Nätijelı jūmyspen qamtu jäne jappai käsıpkerlıktı damytudyŋ 2017-2021 jyldarǧa arnalǧan «Eŋbek» memlekettık baǧdarlamasy şeŋberınde kulinariia ısın aşu üşın 6 mln teŋge kölemınde şaǧyn nesie alyp, 2 adamdy jūmyspen qamtyp otyr.
Öz ısın bastauda memlekettık baǧdarlamanyŋ kömegıne jügıngen jandardyŋ taǧy bırı köp balaly ana Rysjan Kuletenova. 2019 jyly "Biznes Bastau" arqyly käsıpkerlık negızderın oqyǧan. Qaitarymsyz grant ūtyp, nesıbesın molaitqan köp balaly ana şaştaraz aşyp, halyqqa qyzmet körsetude.
Probasiia qyzmetınde tırkelgen Aleksandr İvaşenko da barşaǧa ortaq memlekettık baǧdarlamanyŋ bereketın körıp otyr. Halyqqa qyzmet körsetu ortalyǧyna jūmyssyz retınde tırkelgen ol "Biznes Bastau" jobasy aiasynda onlain kurstan ötıp, qaitarymsyz grantty jeŋıp alǧan. Bügınde soǧylǧan qaqpalardy daiyndaityn şeberhanasyn aşyp, öz ısın jürgızude.
Memleketten qoldau tapqandar qatary auylda da jeterlık. Auyldaǧy ısker jandarmen tanysuǧa arnaiy Qūdyqsai auylyna qarasty Oisylqara eldı mekenıne at basyn būrǧan jurnalist Baian Särsembina auyl şaruaşylyǧynda 34 jyldan asa eŋbek etken Qatira Şakirovamen kezdestı. Aldymen näzık jandy ananyŋ tuǧan künıne tap kelgen qūtty qonaq - Baian Särsembina 72 jasqa tolǧan Qatira Şakirovaǧa tartu-taralǧysyn ūsynyp, qūttyqtau lebızın bıldırdı.
Qart käsıpker basşylyq etken «Nūr» şarua qojalyǧynyŋ negızı 2003 jyly qalanǧan. Qazırgı taŋda qojalyqta myŋ bastai aq bas ırı qara maly, myŋ bastai sigai tūqymdy jäne de jylqy maldary baǧylady.
Būl salany otbasylyq bizneske ainaldyrǧan Şakirovtar şaŋyraǧy qoi jünın öŋdep, türlı būiymdar jasau arqyly käsıptıŋ kökjiegın keŋeitken. Mäselen, Tolqyn Şakirova arnaiy tehnikamen öŋdelgen qoi jünınen qyz jasauyn jasap, dästürlı önerdı tabys közıne ainaldyrǧan. Ata käsıptıŋ näsıbın körıp otyrǧan ol aldaǧy uaqytta jünnen jıp iırıp, türlı būiymdar jasaudy qolǧa almaq.
- Biznes ideialardy ıske asyru üşın «Bastau Biznes» käsıpkerlık negızderıne oquǧa 90 adamǧa joldama berılıp, barlyǧy grantqa ie boldy. 2020 jylǧa Şaǧyn nesieleu boiynşa 81 adamǧa 476 mln. teŋge beru josparlandy. Onyŋ ışınde auylǧa 71 adamǧa 256 mln. teŋge qarjy bölınıp, 66 adamǧa 332,6 mln teŋge nesie berıldı. Qalaǧa 10 jobaǧa 220 mln. teŋge qarjy bölındı, bugıngı künge 8 adamǧa 51 mln teŋge nesie berıldı. Reinvest boiynşa 5 adam- 25,5 mln. teŋge aldy, -deidı audandyq jūmyspen qamtu jäne äleumettık baǧdarlamalar bölımınıŋ basşysy Ūlan Janalin.
