بۇل تۋرالى اقپاراتتىق-كوممۋنيكاتسيالىق ورتالىعىندا وتكەن ءباسپاسوز مəجىلىسىندە شىمكەنت قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ باياندادى.
– قالادا كوروناۆيرۋس ينفەكتسياسى مەن پنەۆمونيانى انىقتاۋ ماقساتىندا قالالىق جۇقپالى اۋرۋلار اۋرۋحاناسى، №2 جانە №3 قالالىق اۋرۋحانالارعا زاماناۋي ۇلگىدەگى كومپيۋتەرلىك توموگرافيا اپپاراتى ورناتىلدى. ولار ءبىر اپتا كولەمىندە تولىق ىسكە قوسىلادى. ياعني، بۇگىندە اق حالاتتىلار ارنايى وقۋدان وتۋدە. اتالعان اپپاراتتار ىقتيمالدى كوروناۆيرۋستىق ينفەكتسياسى كەزىندە كوپ كومەگىن تيگىزەدى. بۇل قۇرىلعىلار covid-19 ۆيرۋسىن انىقتاۋعا عانا ارنالماعان، اۋرۋحاناعا تۇسكەن ناۋقاستاردى جان-جاقتى تەكسەرۋگە پايداسى مول، – دەدى ب.پوزيلوۆ.
باقىتجان جولداسبەكۇلىنىڭ سوزىنە سۇيەنسەك، مەديتسينالىق ۇيىمداردا 612 وكپەنى جاساندى جەلدەتۋ اپپاراتى دايىن. ولاردىڭ ءار ءبىرى رەانيماتسيالىق توسەك-ورىن باسىندا ورنالاسقان. ودان بولەك، رەانيماتسيالىق توسەكتەردى جابدىقتاۋ ماقساتىندا 314 فۋنكتسيونالدى كەرەۋەت، 381 دوزاتور، 266 رەانيماتسيالىق مونيتور جانە 381 مەديتسينالىق سورعىش قوندىرعى ورناتىلعان. ال ستاتسيونارلىق كومەك كورسەتەتىن مەديتسينالىق ۇيىمداردا ءدارى-دارمەك جəنە بۇيىمدارمەن قامتاماسىز ەتۋ مəسەلەسى شەشىلگەن.
ايتا كەتەيىك، بيىل قالا تۇرعىندارى ماۋسىمدىق تۇماۋعا قارسى ەكپەنى بەلسەندى تۇردە سالدىرۋدا. بۇل كورسەتكىش 99,7 پايىزدى قۇراپ وتىر.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
فوتو – س.قوساي
