شىمكەنت قالاسىندا موبيلدىك توپتىڭ وكىلدەرى كۇندىزگى جانە كەشكى ۋاقىتتاردا كارانتين رەجيمى مەن سانيتارلىق-ەپيدەميولوگيالىق تالاپتاردىڭ ساقتالۋى بويىنشا تۇراقتى مونيتورينگ جۇمىستارىن جۇرگىزۋدە.
ءال-فارابي اۋدانى اكىمدىگىنىڭ قىزمەتكەرلەرى، جەرگىلىكتى پوليتسيا كىزمەتى، پروكۋراتۋرا، سونداي-اق اۋداندىق تاۋارلار مەن كورسەتىلەتىن قىزمەتتەردىڭ قاۋىپسىزدىگىن باقىلاۋ ءبولىمى جانە «اتامەكەن» ۇكپ-ى ماماندارى بىرلەسە كەزەكتى رەيدتىك ءىس-شارالار ۇيىمداستىردى.
ءىس-شارا بارىسىندا اۋدان اۋماعىندا ورنالاسقان كاسىپكەرلىك نىسانداردا كارانتين تالابىن بۇزعان ازاماتتار انىقتالىپ، ولارعا اكىمشىلىك حاتتاما تولتىرىلدى.
كوروناۆيرۋستىق ينفەكتسيانىڭ تارالۋىنىڭ الدىن الۋ ماقساتىندا شىمكەنت قالاسى باس سانيتاريالىق دارىگەرىنىڭ قاۋلىسىنا وزگەرىستەر ەنگىزىلگەن بولاتىن. تالاپتار مەن ەرەجەلەردى ساقتاماعان ساۋدا ورىندارى اكىمشىلىك جاۋاپقا تارتىلاتىنىن ەسكەرتەمىز.
شىمكەنت قالاسى اكىمىنىڭ ءباسپاسوز قىزمەتى
