بۇگىن شىمكەنت قالاسىنىڭ اكىمى مۇرات ايتەنوۆ قالا تۇرعىندارىن جەكە سۇراقتارى بويىنشا قاشىقتىقتان كەزەكتى قابىلداۋىن وتكىزدى. بۇل جولى شىمكەنتتىكتەر نەسيە الۋ، قوعامدىق كولىك پەن اۋىز سۋ جانە گاز ماسەلەسىن ايتسا، ەندى ءبىرى كوشەگە اسفالت توسەۋ، ساپالى ينتەرنەت جەلىسىمەن قامتۋ، كوشەگە اتاۋ بەرۋ تۋرالى ماسەلەلەرىن كوتەردى.
بارشا ازاماتتاردىڭ وتىنىشتەرى مەن ۇسىنىستارىن تىڭداعان قالا باسشىسى ايتىلعان ماسەلەلەر رەت-رەتىمەن قولدانىستاعى زاڭ اياسىندا شەشىلەتىنىن العا تارتتى. سونداي-اق، اكىم حالىقتىڭ تۇرمىس ساپاسىن ارتتىرۋ جانە كوممۋنالدىق ماسەلەلەردى شەشۋ جۇمىستارى شىمكەنت قالاسى اكىمدىگىنىڭ نەگىزگى جۇمىستارىنىڭ ءبىرى ەكەنىن جەتكىزدى.
مۇرات ايتەنوۆتىڭ قابىلداۋىندا بولعان ازاماتتاردىڭ جەكە ماسەلەلەرى ءتيىستى سالا باسشىلارىنا تاپسىرىلىپ، باقىلاۋعا قويىلدى.
شىمكەنت قالاسى اكىمىنىڭ ءباسپاسوز قىزمەتى
