سەيسەنبى، 3- قاراشا كۇنى اقتوبە وبلىسىنىڭ اكىمى وڭداسىن ورازالين “ورتالىق ستاديوندا” بولىپ، “اقتوبە” فك ويىنشىلارىمەن كەزدەستى. 2020 جىلى وتكەن فۋتبولدان قر-نىڭ ءبىرىنشى ليگاسىندا چەمپيون اتانعان كوماندا ويىنشىلارىن جەڭىستەرىمەن قۇتتىقتادى.
“ وزدەرىڭىزگە بەلگىلى وتكەن جىلى كوماندا ءۇشىن اۋىر بولدى. دەگەنمەن، فۋتبول سۇيەر قاۋىمنىڭ ىستىق ىقىلاسى مەن جانكۇيەرلەردىڭ قولداۋىنىڭ ەرەكشە ەكەنىن ەسكەرە وتىرىپ، اتقارۋشى ورگان رەتىندە كوماندانى ساقتاپ قالۋعا بار كۇشىمىزدى سالدىق. قولىمىزدان كەلگەنشە قارجىلاندىرۋ، ۇيىمداستىرۋ ماسەلەلەرىن شەشۋگە ات سالىستىق. الداعى ۋاقىتتا كوپتەگەن جەڭىستەرمەن قۋانتاتىن كۇندەر كوپ بولادى دەپ سەنەمىن”،- دەدى وڭداسىن ورازالين.
ايماق باسشىسى “اقتوبە” كومانداسىنىڭ ويىنشىلارىنا چەمپيوندىق مەدالداردى تابىستادى.
«اقتوبە» فك باسقارما توراعاسى ارتۋر سماعۇلوۆ، باس جاتتىقتىرۋشىنىڭ م.ا ۆلاديمير زەلەنوۆسكي وبلىس باسشىسىنا كورسەتكەن قولداۋلارى ءۇشىن العىس ءبىلدىردى.
ء“سىزدىڭ قولداۋىڭىزبەن كوماندا ەڭسەسىن تىك كوتەرە باستادى. سالىقتىق باسقا دا بەرەشەكتەردەن تۇگەل قۇتىلدىق. ودان بولەك “ ورتالىق ستاديون” كوماندانىڭ سەنىمگەرلىك باسقارۋىنا ءوتىپ، وبلىستىق بالالار مەن جاسوسپىرىمدەر مەكتەبى جاڭارتىلدى. سپورتقا قاجەتتى قۇرالدارمەن جابدىقتالدى”،- دەدى ارتۋر سماعۇلوۆ.
بۇدان سوڭ كوماندا كاپيتانى وبلىس اكىمىنە فۋتبولشىلاردىڭ قولى قويىلعان دوپتى ەستەلىككە سىيعا تارتتى. ايتىپ وتەيىك “ اقتوبە” فك 60% جەرگىلىكتى ويىنشىلاردان قۇرالعان.
