شىمكەنت قالاسىنىڭ اكىمى مۇرات ايتەنوۆتىڭ تاپسىرماسىنا سايكەس قالاداعى مەديتسينالىق ۇيىمدار الدىندا «COVID-19» كوروناۆيرۋستان ساقتانۋ شارالارى جازىلعان باننەرلەر ىلىنۋدە. وسىلايشا مەديتسينا ماماندارى ينفەكتسيالىق اۋرۋدان ساقتانۋ جولدارى تۋرالى تۇرعىندار اراسىندا كەڭىنەن ناسيحاتتاماق.
بۇگىندە دەنساۋلىق ساقتاۋ سالاسى ماماندارى حالىقتى ساقتىق شارالارىن قاتاڭ ساقتاۋعا شاقىرۋدا. بۇل، بىرىنشىدەن، تۇرعىندار اراسىندا ينفەكتسيانىڭ كەڭ تارالىپ كەتۋىنە توسقاۋىل بولسا، ەكىنشىدەن، «اۋىرىپ ەم ىزدەگەنشە، اۋىرماۋدىڭ جولىن ىزدەۋ» كەرەك ەكەنىن ەسكەرتەدى.
ايتا كەتەيىك، ەگەر ءسىز اۋىرىپ قالساڭىز نەمەسە جرۆي اۋرۋىنىڭ بەلگىلەرى بايقالسا، 103-كە قوڭىراۋ شالىڭىز!
سونداي-اق قالاداعى كوروناۆيرۋس ينفەكتسياسى، ەپيدەميالوگيالىق احۋال تۋرالى رەسمي جانە سەنىمدى اقپاراتتى https://covid19shymkent.kz/ سايتىنان بىلۋگە بولاتىندىعىن ەسكەرتەمىز.
شىمكەنت قالاسى اكىمىنىڭ ءباسپاسوز قىزمەتى
