فۋتبولدان قازاقستان قۇراماسىنىڭ كاپيتانى باۋىرجان يسلامحاننىڭ قانىنان دوپينگ تابىلعانىنا «ءال-اين» كومانداسىنىڭ دارىگەرى كىنالى ەكەن. مۇنداي اقپاراتتى سپورت ءتىلشىسى ايدىن قوجاحمەت تەلەگرام كانالىندا جازدى، دەپ حابارلايدى «ادىرنا» ۇلتتىق پورتالى «حابار 24» ارناسىنا سىلتەمە جاساپ.
«كىنا باۋىرجاندا ەمەس، دارىگەردە بولۋى مۇمكىن. ول يسلامحان قابىداپ جۇرگەن دارۋمەندى ازيا فۋتبول كونفەرەنتسياسىنىڭ ەسەبىنە قوسۋدى ۇمىتىپ كەتكەن»، – دەپ جازادى ينسايدەر.
ەسكە سالايىق، بۇعان دەيىن باۋىرجان يسلامحاننىڭ ازيا چەمپيوندار ليگاسى ويىنىنان كەيىن تاپسىرعان دوپينگ-تەستىنەن رۇقسات ەتىلمەگەن دارۋمەن تابىلعانى بەلگىلى بولدى. ەندى ول فۋتبولدان شەتتەتىلۋى مۇمكىن. وسى ماسەلەگە بايلانىستى يسلامحان ۇلتتان ليگاسىندا وينايتىن قازاقستان قۇراماسى ساپىنا كەلە المايدى.
«ادىرنا» ۇلتتىق پورتالى
