Dopıng daýyna kim kináli?

2967
Adyrna.kz Telegram

Fýtboldan Qazaqstan quramasynyń kapıtany Baýyrjan Islamhannyń qanynan dopıng tabylǵanyna «Ál-Aın» komandasynyń dárigeri kináli eken. Mundaı aqparatty sport tilshisi Aıdyn Qojahmet telegram kanalynda jazdy, dep habarlaıdy «Adyrna» ulttyq portaly «Habar 24» arnasyna silteme jasap.

«Kiná Baýyrjanda emes, dárigerde bolýy múmkin. Ol Islamhan qabydap júrgen dárýmendi Azııa fýtbol konferenııasynyń esebine qosýdy umytyp ketken», – dep jazady ınsaıder.

Eske salaıyq, buǵan deıin Baýyrjan Islamhannyń Azııa Chempıondar lıgasy oıynynan keıin tapsyrǵan dopıng-testinen ruqsat etilmegen dárýmen tabylǵany belgili boldy. Endi ol fýtboldan shettetilýi múmkin. Osy máselege baılanysty Islamhan Ulttan lıgasynda oınaıtyn Qazaqstan quramasy sapyna kele almaıdy.

«Adyrna» ulttyq portaly

Pikirler