نۇرسۇلتان نازارباەۆ تۇركىستان قالاسىنىڭ قۇرىلىسىنا بولىنگەن اقشانىڭ قالاي جۇمسالىپ جاتقانىن ايتتى، دەپ حابارلايدى «ادىرنا» ۇلتتىق پورتالى. بۇل تۋرالى ول «Qazaqstan» ۇلتتىق ارناسىنداعى "تۇركىستان: كونە مەن كەلەشەك كوپىرى" دەرەكتى فيلمىندە مالىمدەدى.
«كوپشىلىك «اقشانى قايدا جىبەرىپ جاتىر؟» دەپ ءجيى سۇرايدى. استانانى سالعاندا دا سولاي بولعان. بىراق قازىر ەلورداعا سالىنعان ءبىر تەڭگە ءۇش تەڭگە بولىپ قايتىپ جاتىر. سول سياقتى ءبىرىنشى كەزەڭدە تۇركىستانعا 350 ميلليارد تەڭگە جۇمسالادى", - دەدى قر تۇڭعىش پرەزيدەنتى.
سونداي-اق، نازارباەۆ بەلگىلەنگەن 160 نىساننىڭ تەڭ جارتىسى سالىنىپ بىتكەنىن اتاپ ءوتتى. ونىڭ ايتۋىنشا، قالا قۇرىلىسىنا قاجەتتى اقشانىڭ تەڭ جارتىسىن جەكەمەنشىك كومپانيالار قۇيىپ جاتقان كورىنەدى.
دەرەكتى فيلم بارىسىندا ەلباسى
استانانى تۇركىستان قالاسىنا اۋىستىرۋعا قاتىستى پىكىرىن دە بىلدىرە كەتتى.
"ونداي اڭگىمەلەردىڭ نەگىزى جوق. ءبىز قازىرگى استانامىزدى ءارى قاراي ۇلعايتامىز. كەزىندە 200 مىڭداي حالقى بار بۇرىنعى اقمولا 1 ملن 200 مىڭ تۇرعىنى بار الىپ شاھار بولدى. نۇر-سۇلتان دەگەن اتاۋ الدى. ونى مەن ۇسىنبادىم، بىراق قارسى دا بولعانىم جوق. سەبەبى، استانانىڭ ءاربىر تاسى مەنىڭ نۇسقاۋىممەن، ءاربىر عيمارات مەنىڭ قاتىسۋىممەن سالىندى. سوندىقتان ءوزىمىزدىڭ نۇر-سۇلتان قالاسىن دامىتامىز»،-دەپ جاۋاپ بەردى ول.
«ادىرنا» ۇلتتىق پورتالى
