پەتروپاۆل قالاسىنىڭ كريمينالدىق پوليتسيا ءبولىمى قىزمەتكەرلەرى ەسىرتكى قىلمىسىن جاسادى دەگەن كۇدىكپەن جەتى جىلدان استام ۋاقىت ىزدەۋدە جۇرگەن 61 جاسار ايەلدى ۇستادى، دەپ حابارلايدى «ادىرنا» سقو پوليتسيا دەپارتامەنتىنە سىلتەمە جاساپ.
«بىزگە 2013 جىلدان بەرى ىزدەۋدە جۇرگەن ايەل ادامنىڭ جۇمىسشى كەنتىندە جاسىرىنىپ جۇرگەنى جايىندا اقپارات كەلىپ ءتۇستى. سەگىز جىل بۇرىن، 2012 جىلى، قالالىق پوليتسەيلەر «گەروين» ەسىرتكى زاتىن تاراتقان پەتروپاۆل تۇرعىنىنا قاتىستى قىلمىستىق ءىستى تەرگەگەن بولاتىن. تەرگەۋ بارىسىندا وعان 1959 جىلى تۋعان اناسىنىڭ قاتىستىلىعى دا انىقتالدى. الايدا ايەلدىڭ جاسىرىنىپ، ۇيىنەن بەلگىسىز جاققا كەتىپ قالعانى انىقتالدى. سوڭعى سەگىز جىلداعى ونىڭ تۇرعىلىقتى جەرىن ەشكىم بىلمەگەن»،-دەلىنگەن حابارلامادا.
پەتروپاۆل قالاسى كپب باستىعىنىڭ ورىنباسارى، پوليتسيا كاپيتانى جاسۇلان بالديكوۆتىڭ سوزىنشە، تەكسەرىس بارىسىندا ايەلدىڭ جۇرگەن جەرى تۋرالى جەدەل اقپارات راستالعان. ول جۇمىسشى كەنتىنىڭ ورتالىعىندا ورنالاسقان جەكە مەنشىك ۇيلەردىڭ بىرىنەن ۇستالدى. قىلمىستىق جاۋاپكەرشىلىكتەن جالتارۋ ماقساتىندا 2012 جىلى قوستاناي قالاسىنداعى الىس تۋىستارىنا كەتكەنىن ايتقان. سوڭعى ءتورت جىلدا - پەتروپاۆلدىڭ جۇمىسشى كەنتىندەگى تۋىسىنىڭ ۇيىندە قايتا تۇرا باستاعان. وسى جىلدارى ۇيدەن ەشقايدا شىقپاي، ءتارتىپ ساقشىلارىنان تىعىلىپ جۇرگەن. ءتورت جىلدا العاشقى رەت جۇمىسىمەن تانىسىنىڭ ۇيىنە شىعىپ، بىردەن پوليتسەيلەرمەن ۇستالدى.
قازىر ايەل پەتروپاۆل ق. پب ۋاقىتشا ۇستاۋ يزولياتورىنا قامالدى. قر قك 259-بابى 4-ب. بويىنشا (1997 جىلعى رەداكتسيادا) سوتقا دەيىنگى تەرگەۋ جۇرگىزىلىۋدە.
«ادىرنا» ۇلتتىق پورتالى
