الماتى قالاسىنىڭ قاق ورتاسىندا، سارىارقا ساياباعىندا ءبىر كەزدەرى ءوز يدەولوگيالارى ءۇشىن قازاقتى بارىنشا قاناعان، مەيلىنشە پايدالانعىسى كەلگەن كالينين، لەنين، ستالين، فرۋنزە، ۆينوگرادوۆ سىندى كسرو جاندايشاپتارىنىڭ ءىزى وسى كۇنگە دەيىن نەگە تۇر؟
70 جىلعا جۋىق جارتى الەمگە ءامىرىن جۇرگىزگەن وداق قۇلاپ، كۇل-تالقان بولدى. ودان بەرى 30 جىل ءوتتى. وداقتىڭ سويىلىن سوققانداردىڭ ءمۇسىنى نەگە قۇلامايدى؟
بۇل كىسىلەردىڭ ءمۇسىنى الماتىنىڭ قاق تورىندە تۇرۋى بىزگە سىن! ءارى-بەرىدەن سوڭ، ۇلتتىق قۇندىلىقتارعا كەرەعار، ۇلتتىق يدەولوگيانىڭ دامۋىن باسەڭدەتەدى. ساياباقتا سەيىل قۇرىپ جۇرگەن وسكەلەڭ ۇرپاق وسى ءبىر ەسكەرتكىش مۇسىندەردى كورىپ، اتام ەكەن، بابام ەكەن دەمەسىنە كىم كەپىل؟! بۇلاردىڭ ورنىنا ءاليحان بوكەيحان باستاعان الاش ارىستارىنىڭ ءمۇسىنى تۇرۋعا ابدەن لايىقتى.
قۇرمەتتى باقىتجان ءابدىرۇلى، جاستاردىڭ نامىسىنا تيگەن ەسكەرتكىش مۇسىندەردى الىپ تاستاۋىڭىزدى تالاپ ەتەمىز! ءبىز قازاقتىڭ نامىسى تاپتالۋىنا جول بەرمەيمىز!
«نامىس» قوزعالىسىنىڭ جاستارى باستاعان بۇل شارانى بارشا قازاقستاندىقتار قولدايدى دەپ ۇمىتتەنەمىن. ءبىر عانا الماتى ەمەس، قازاقستاننىڭ ءار تۇكپىرىندە وسىنداي ەسكەرتكىشتەر مەن كوشە، اۋىل، اۋدان، قالا اتتارى بار.
وسى ۋاقىتقا دەيىن وزگەرىسكە سەندىك، ەندى وزگەرمەگەندى وزگەرتۋ بىزگە ارتىلعان امانات. نامىستى قولدان بەرمەيىك!
