«Namys» jastar qozǧalysy Almaty qalasynyŋ äkımıne talap qoidy

Almaty qalasynyŋ qaq ortasynda, Saryarqa saiabaǧynda bır kezderı öz ideologiialary üşın qazaqty barynşa qanaǧan, meilınşe paidalanǧysy kelgen Kalinin, Lenin, Stalin, Frunze, Vinogradov syndy KSRO jandaişaptarynyŋ ızı osy künge deiın nege tūr? 70 jylǧa juyq jarty älemge ämırın jürgızgen Odaq qūlap, kül-talqan boldy. Odan berı 30 jyl öttı. Odaqtyŋ soiylyn soqqandardyŋ müsını nege qūlamaidy? Būl kısılerdıŋ müsını Almatynyŋ qaq törınde tūruy bızge syn! Ärı-berıden soŋ, ūlttyq qūndylyqtarǧa kereǧar, ūlttyq ideologiianyŋ damuyn bäseŋdetedı. Saiabaqta seiıl qūryp jürgen öskeleŋ ūrpaq osy bır eskertkış müsınderdı körıp, atam eken, babam eken demesıne kım kepıl?! Būlardyŋ ornyna Älihan Bökeihan bastaǧan Alaş Arystarynyŋ müsını tūruǧa äbden laiyqty. Qūrmettı Baqytjan Äbdırūly, jastardyŋ namysyna tigen eskertkış müsınderdı alyp tastauyŋyzdy talap etemız! Bız qazaqtyŋ namysy taptaluyna jol bermeimız! «Namys» qozǧalysynyŋ jastary bastaǧan būl şarany barşa qazaqstandyqtar qoldaidy dep ümıttenemın. Bır ǧana Almaty emes, Qazaqstannyŋ är tükpırınde osyndai eskertkışter men köşe, auyl, audan, qala attary bar. Osy uaqytqa deiın özgerıske sendık, endı özgermegendı özgertu bızge artylǧan amanat. Namysty qoldan bermeiık! https://www.youtube.com/watch?v=TJV5-fPWhVM