«ADAL» پارتياسىنىڭ ەكونوميكالىق سەكتورلارىن دامىتۋدىڭ جاڭا يدەيالارى، حالىقتىڭ ءارتۇرلى ساناتتارىن قولداۋ جونىندەگى ۇسىنىستارى، كوپشىلىكتى تولعاندىراتىن وزەكتى پروبلەمالار - مۇنىڭ بارلىعى 14 جەلتوقسان كۇنى پارتيادان ءماجىلىس دەپۋتاتتىعىنا كانديداتتار وتكىزگەن كەزدەسۋلەر بارىسىندا تالقىلاندى.
بۇگىن پاۆلودار وبلىسىندا بىرقاتار كەزدەسۋلەر ءوتتى. ولاردىڭ كوپشىلىگى كوشە بويلارىندا جانە ساۋدا ورىندارىندا ۇيىمداستىرىلدى. ماسەلەن، شىدەرتى اۋىلىندا بولعان ولجاس ورداباەۆ پەن اقمارال بەكمىرزاەۆا باعدارلامانىڭ نەگىزگى تارماقتارىن كورسەتىپ، پارتيانىڭ جالپى يدەولوگياسى مەن قۇندىلىقتارى تۋرالى ءسوز قوزعادى.
اۋىل تۇرعىندارى ناۋقاستاردىڭ ءدارى-دارمەكپەن ۋاقىتىلى قامتاماسىز ەتىلمەۋى، سونداي-اق جايىلىمدىق جەردىڭ جوقتىعى سىندى بىرنەشە ماسەلەمەن شاعىمداندى.
ولجاس ورداباەۆ بۇل ماسەلەلەر پارتيانىڭ باقىلاۋىنا الىناتىندىعىنا سەندىردى.
ەكىباستۇز قالاسى تۇرعىندارىنىڭ اراسىندا پروبلەمالى نەسيەلەرى بار كاسىپكەرلەر كوپ ەكەن. اقمارال بەكمىرزاەۆا پارتيانىڭ وسىنداي نەسيەلەرگە جاپپاي راقىمشىلىق جاساۋ تۋرالى ۇسىنىسى تۋرالى ايتتى.
كەزدەسۋ بارىسىندا ولجاس ورداباەۆ ەلىمىزدىڭ ءاربىر تۇرعىنى پارتيانىڭ ۆەب-سايتى ارقىلى كەز-كەلگەن ايماقتى دامىتۋ بويىنشا ءوز ۇسىنىستارىن ەنگىزۋگە، ەلدى مەكەندەردىڭ بيۋدجەتتەرى تۋرالى اقپارات الۋعا جانە ت.ب. مۇمكىندىكتەرى بار ەكەنىن جەتكىزدى. ال ونداعى كوپ بالالى انالاردىڭ ءبىرى قولدانىستاعى كاسىبىنىڭ كەڭەيتۋ جولدارىن سۇرادى. سپيكەر پارتيا بۇل ماسەلەلەرمەن كوپ بالالى وتباسىلاردىڭ پايداسىنا جۇمىس ىستەپ جاتقاندىعىن باسا ايتتى. «ءاربىر كوپ بالالى ايەل تەك ااك-كە سەنىپ قانا قويماي، ءوز بيزنەسىن دامىتا ءتۇسۋى كەرەك، بۇل ءۇشىن پارتيانىڭ ناقتى ۇسىنىستارى بار جانە ادامدارعا كاسىپكەرلىك مەحانيزمدەرىن جۇزەگە اسىرۋعا كومەكتەسۋگە دايىن»، - دەدى ولجاس ورداباەۆ.
اقسۋ قالاسىنىڭ تۇرعىندارى ءبىلىم ساپاسىن ارتتىرۋ جانە كاسىپتىك باعدار بەرۋدە كومەك كورسەتۋ ماسەلەلەرىن كوتەردى. ۇمىتكەرلەر سايتتا ستۋدەنتتەرگە بىلىمدەرىن تەكسەرۋگە جانە ۋنيۆەرسيتەت تاڭداۋ تۋرالى شەشىم قابىلداۋعا كومەكتەسەتىن قىزمەت بار ەكەنىن ايتتى.
ودان ءارى كەزدەسۋ كوكتوبە اۋىلىندا جالعاستى. سونداي-اق پارتيا باعدارلاماسىن بەلسەندى تالقىلاۋ بولدى.
كەزدەسۋلەر سوڭىندا دەپۋتاتتىققا كانديداتتار ءار ازاماتتىڭ پىكىرى، ونىڭ وتىنىشتەرى پارتيا ءۇشىن ماڭىزدى ەكەنىن باسا ايتتى. وسىنىڭ ارقاسىندا مىندەتتەر قالىپتاسادى جانە ولاردى شەشۋ تەتىكتەرى تۇزىلەدى.
الماتى وبلىسىندا بۇگىن دەپۋتاتتىققا كانديدات لاززات شىڭعىسباەۆانىڭ حالىقپەن كەزدەسۋلەرى جالعاستى. ول تۇيمەباەۆ اۋىلىنىڭ اشىبۇلاق اۋىلدىق وكرۋگىندە شەگە شىعاراتىن زاۋىت جۇمىسشىلارىمەن كەزدەسىپ، وتەگەن باتىر جانە قاپشاعاي قالاسىنىڭ تۇرعىندارىمەن اڭگىمەلەستى.
لاززات شىڭعىسباەۆا، اتاپ ايتقاندا، رەسمي سايتتىڭ كومەگىمەن ادال پارتياسى ايماقتار تۇرعىندارىنىڭ بارلىق ماسەلەلەرىنەن حاباردار ەكەنىن ايتتى. تۇرعىندار ەلدى مەكەندەردى اباتتاندىرۋ ماسەلەلەرىن كوتەرىپ، ادال پارتياسىنىڭ باسىمدىقتارىن قولدايتىندىقتارىن ءبىلدىردى.
كەيبىر تۇرعىندار پارتيانىڭ سايلاۋ الدىنداعى ۋادەلەردى ۇمىتىپ كەتۋى مۇمكىن ەكەنىن ەسكەرتتى. بىراق لاززات شىڭعىسباەۆا "ADAL" پارتياسىنان دەپۋتاتتىققا ۇمىتكەرلەردىڭ بارلىعى سايلاۋشىلارى ءۇشىن كوپ نارسە جاسايدى دەپ سەنىممەن جاۋاپ بەردى، ويتكەنى كوماندا مىقتى ءارى جىگەرلى جاستاردان قۇرالعان. ء"ار كانديدات ءوز سالاسىنىڭ مامانى جانە دەپۋتات بولماسا دا، قوعام ءۇشىن ءارتۇرلى ۇلكەن، مەيىرىمدى، ماڭىزدى ىستەر جاساپ ءجۇر", - دەدى كانديدات.
شىمكەنت قالاسىندا جەرگىلىكتى تۇرعىندارمەن كەزدەسۋ ءوتتى، وعان "ADAL" پارتياسىنان قر پارلامەنتى ماجىلىسىنە دەپۋتاتتىققا كانديداتتار ماقسات تولىقباي مەن الماسبەك سادىرباەۆقاتىستى.
ماقسات تولىقباي پارتيا باعدارلاماسى تۋرالى ايتىپ بەردى. سۇراقتارعا جاۋاپ بەرە وتىرىپ، ول پارتيا باعدارلاماسىندا مەديتسينا ماسەلەلەرى قاراستىرىلعانىن ەسكە سالىپ، ء"بىزدىڭ مەديتسينا تەگىن بولۋى ءتيىس. پاندەميا كەزىندە نە بولدى؟ ءسىز ساپانى كوردىڭىز بە؟ ءبىز جەدەل جاردەم كۇتە المادىق. بىراق دەنساۋلىق بارىنە قاجەت. بۇنداي جۇيە دۇرىس ەمەس. مەديتسينا تەگىن بولۋى ءتيىس",- دەدى. ماقسات تولىقباي باعدارلامادا نەسيەلەۋ جانە پايىزدىق مولشەرلەمەنى تومەندەتۋ ماسەلەلەرى دە قاراستىرىلعانىن ايتتى. ول اتاپ وتكەندەي، ءبىز پارلامەنتكە وتەمىز بە، جوق پا، ۇگىت-ناسيحات كەزەڭى اياقتالعاننان كەيىن مينيسترلىكتەرمەن جانە اكىمدىكتەرمەن بىرلەسىپ جوبالىق كەڭسەلەر قۇرىلادى. ولار پارتيا باعدارلاماسىن جۇزەگە اسىرۋ ءۇشىن بەلسەندى جۇمىس ىستەيتىن بولادى.
قر پارلامەنتى ءماجىلىسىنىڭ دەپۋتاتتىعىنا تاعى ءبىر كانديدات ارداق نازاروۆ ءبىلىم بەرۋ باعدارلاماسىنا جاڭاشىلدىق ەنگىزۋ قاجەتتىگىن ەسكە سالدى. ول ماڭىزدى تەزيستى ايتتى – سپورت مەكتەپ ءتارتىبى دەڭگەيىندە توقتاماي، جوعارى دەڭگەيدە دامۋى كەرەك.
فەرمەرلەرمەن كەزدەسۋ بارىسىندا الماسبەك سادىرباەۆ اوك پەن بيزنەستى قولداۋ شارالارى تۋرالى ايتىپ بەردى.
ارداق نازاروۆ جامبىل وبلىسىنىڭ تاراز قالاسىندا كەزدەسۋلەر وتكىزدى.
تاراز قالاسىنىڭ "تاراز-عاسىر" كوللەدجىندە جاستارمەن كەزدەسۋلەردىڭ ءبىرى وتكىزىلدى. ارداق نازاروۆ ءوزى تۋرالى، بالالىق شاعى، سپورتتىق مانسابىن قالاي باستاعانى تۋرالى ايتىپ بەردى. "بالا كەزىمىزدە ءبىز جاقسى جاعدايدا ءومىر سۇرمەگەنىمىزگە قاراماستان، مەن سىنعان جوقپىن، جامان جولمەن جۇرمەدىم. مەنىڭشە، بۇل ماڭىزدى. ەڭبەكقور بولۋ ماڭىزدى. تەك ەڭبەك ارقىلى عانا تابىس پەن مولشىلىققا قول جەتكىزۋگە بولادى", - دەپ اتاپ ءوتتى ول.
"ADAL" پارتياسىنان ءماجىلىس دەپۋتاتتىعىنا كانديدات پارتيالىق باعدارلامانىڭ باسىمدىقتارى تۋرالى دا ايتىپ بەردى. ايماق جاستارىنىڭ جەكە تۇرعىن ءۇيى، سپورتتا ءوزىن-ءوزى دامىتۋ جانە سپورتتىق ينفراقۇرىلىمدى جاقسارتۋ تۋرالى ويلايتىنىن بىلە وتىرىپ، ارداق نازاروۆ باعدارلامانىڭ وسى باعىتتارعا ارنالعان تارماقتارى تۋرالى ەگجەي-تەگجەيلى ايتىپ بەردى.
ول: "ارينە، ءبارىن ءوزىم وزگەرتە الماسام دا، مەن وسى جاس پارتياعا كىرىپ، بارلىق ءبىلىمىمدى جۇمساپ، جاقسى باعدارلاماعا يە بولا وتىرىپ، ءونىمدى ناتيجەلەرگە قول جەتكىزەمىن", - دەپ سەندىردى.
انىقتاما:
2013 جىلى قازاقستاندا «بىرلىك» ساياسي پارتياسى قۇرىلدى. پارتيا توراعاسى سەرىك سۇلتانعالي.
2020 جىلدىڭ 5 قاراشاسىندا «بىرلىك» اتاۋىن «ADAL» ( «ادالدىق»).
پارتيانىڭ ساياسي كەڭەسى مۇشەلەرىنىڭ قۇرامىندا:
سەرىك سۇلتانعالي، ەلدار جۇماعازيەۆ، ارداق نازاروۆ، الينا اسقاروۆا، ماقسات تولىقباي، الماسبەك سادىرباەۆ، داۋلەت مۇقاەۆ، ولجاس ورداباەۆ، يگور شاتسكي، لاۋرا ماليكوۆا، لاززات شىڭعىسباەۆا، جيگۋلي دايراباەۆ، عالىمبەك جاقسىلىقوۆ، اقمارال بەكمۋرزاەۆا، نۇرلىبەك مالەلوۆ، عاني ابادان.
