باۋىرجان سەرىكباەۆ: ەلتسينگە العىس ايتۋىمىز كەرەك

1990 جىلى 12 ماۋسىمدا رەسەيدىڭ "ەگەمەندىك تۋرالى دەكلاراتسيا" جاريالاۋىندا سول كەزدە جوعارعى كەڭەستى باسقارعان ەلتسيننىڭ ەڭبەگى زور. كەيىن 4 ايدان كەيىن 1990 جىلى 25 قازاندا ءبىز دە جاريالادىق ەگەمەندىكتى.

باستاعان ءىسىن سوڭىنا دەيىن جەتكىزەتىن ەلتسين ۋكراينا مەن بەلارۋستىڭ باسشىلارىن جيناپ، 1991 جىلى 8 جەلتوقساندا بەلوۆەج كەلىسىمىنە قول قويدىردى. سول كۇنى اتالعان 3 ەل كەڭەس وداعى اتتى مەملەكەتتى تاستاپ شىعىپ كەتتى. ارقايسىسى جەكە ءوز مەملەكەتتەرىن جاريالادى. وسىلاي ەلتسين بىزگە تاۋەلسىزدىكتى سىيعا تارتتى. "ەي قازاق، تاۋەلسىزدىگىڭدى الساڭدا الاسىڭ، الماساڭ دا الاسىڭ" دەگەن تاريحي تاڭداۋعا ءتۇسىردى عوي ءبىزدى. قازاقستانعا قالعانى ەلتسيننىڭ سىيىن قابىلداۋ ەدى. اراعا 8 كۇن سالىپ 16 جەلتوقساندا قابىلدادىق تا.

ءار جىل سايىن 16 جەلتوقساندا قازاقستان حالقى ەلتسينگە دە قۇرمەت كورسەتكەنىمىز دۇرىس. ء"بارى كەتسە دە قازاقستان رەسەيدىڭ قۇرامىندا قالسىن" دەگەن ءسوزدى ايتپاعانى ءۇشىن. ءدال سولاي قاتايىپ السا ءبىز تاۋەلسىزدىك ءۇشىن كۇرەسپەس تە ەدىك. جارىقتىق تاۋەلسىزدىكتى

بىزگە سىيلاپ كەتتى عوي. رۋحى پەيىشتە شالقىسىن. قازاق حالقى ريزا سىزگە. جاقسىلىقتى ۇمىتۋعا بولمايدى!